சென்னை: தமிழகத்தில் வடகிழக்கு பருவமழை மற்றும் வெப்பச்சலனம் காரணமாக தமிழகம் முழுவதும் பரவலாக மழை பெய்து வருகிறது. இதனால் நீர்நிலைகளுக்கு தண்ணீர் வரத்து அதிகரித்துள்ளது. ஏரிகள், அணைகள் மற்றும் நீர்த்தேக்கங்களின் நீர்மட்டமும் வேகமாக உயர்ந்து வருகிறது. இதுகுறித்து நீர்வளத்துறை அதிகாரிகள் கூறியதாவது:-
தமிழகத்தில் சென்னை, திருச்சி, கோவை, மதுரை மண்டலங்களில் உள்ள 90 அணைகள் மற்றும் நீர்த்தேக்கங்களின் மொத்த கொள்ளளவு 2,24,297 மில்லியன் கன அடி நீர் இருப்பு உள்ளது. இதில் நேற்று 1,63,411 மில்லியன் கன அடி நீர் இருப்பு உள்ளது. கடந்த 10 நாட்களில் அவற்றின் நீர் இருப்பு 14 சதவீதம் அதிகரித்து 72.85 சதவீதமாக உள்ளது.
குறிப்பாக, கள்ளக்குறிச்சி மாவட்டம் கோமுகி, தருமபுரி வரட்டாறு, கிருஷ்ணகிரி, பாம்பாறு, கடலூர் மாவட்டம் வீராணம், தென்காசி குண்டாறு, தேனி மஞ்சலாறு, சோத்துப்பாறை, விருதுநகர் குல்லூர்சந்தை, கன்னியாகுமரி மாம்பழத்துரையாறு, கரூர், நொய்யல் ஆத்துப்பாளையம், திருப்பூர் அமராவதி ஆறு, கோவை மாவட்டம் சோலையாறு, ஆழியாறு, திண்டுக்கல் வர்தமாநதி, குதிரையாறு, மருதாநதி, ஈரோடு குண்டேரிபள்ளம், வரட்டுப்பள்ளம், பாலக்காடு பரம்பிக்குளம், துணக்கடவு – பேரிவாரிப்பள்ளம், திருவண்ணாமலை – சாத்தனூர், திருப்பத்தூர் – ஆண்டியப்பனூர் ஓடைகள் நீர்நிலைகளால் நிரம்பியுள்ளன.
மேலும், திருமூர்த்தி, செண்பகத்தோப்பு, பேச்சிப்பாறை, பெருஞ்சாணி, சிற்றாறு – 1, சிற்றாறு – 2, பாலாறு – பொருத்தலாறு, பரப்பலாறு, கொடகனூர் அணைகள் மற்றும் நீர்த்தேக்கங்கள் வேகமாக நிரம்பி வருகின்றன. தமிழகத்தில் 38 மாவட்டங்களில் மொத்தம் 14,139 ஏரிகள் உள்ளன. இதில் நேற்றைய நிலவரப்படி 1,810 ஏரிகள் நிரம்பியுள்ளன.
2,380 ஏரிகளில் 76 முதல் 99 சதவீதம், 2,312 ஏரிகளில் 51 முதல் 75 சதவீதம், 2,427 ஏரிகளில் 26 முதல் 50 சதவீதம், 3,999 ஏரிகளில் 1 முதல் 25 சதவீதம். இதற்கிடையில், 1,211 ஏரிகளில் தண்ணீர் இல்லை. இவ்வாறு அவர்கள் கூறினார்கள்.
