தேநீர் ஆரோக்கியத்திற்கு மிகவும் நல்லது என்பதை நாம் அனைவரும் அறிவோம். ஆனால் தேநீர் எப்போது குடிக்க வேண்டும் என்பதை கவனமாக தேர்வு செய்வது அவசியம். குறிப்பாக காலையில் தேநீர் அருந்துவது நல்லது, ஆனால் பகலில் எந்த நேரத்திலும், குறிப்பாக இரவில் குடிப்பதால், பல்வேறு உடல்நலக் கோளாறுகள் ஏற்படுவதாக சுகாதார நிபுணர்கள் கூறுகின்றனர்.
காலையில் எழுந்தவுடன் சூடான டீ அல்லது காபி குடிப்பதன் மூலம் தங்களை புத்துணர்ச்சியடையச் செய்ய வேண்டும் என்று பலர் நம்புகிறார்கள். இந்த பானங்களில் உள்ள காபி பீன்ஸ் மற்றும் டீயின் சில பண்புகள் உடலில் ஆற்றலை அதிகரிக்கும் தன்மை கொண்டது. ஆனால், இதை இரவில் குடிப்பதால், உடலின் இயல்பான செயல்பாடுகள் பாதிக்கப்பட வாய்ப்புள்ளதாக கூறப்படுகிறது.
குறிப்பாக இரவு 7 மணிக்குப் பிறகு அதிகமாக தேநீர் அருந்தினால் சில பக்கவிளைவுகள் ஏற்படலாம். ஒன்று வாயு பிரச்சனை. அதிகமாக டீ குடிப்பதால் சிலருக்கு வாயு மற்றும் அமில ரிஃப்ளக்ஸ் பிரச்சனைகள் ஏற்படும். இது நெஞ்செரிச்சல் மற்றும் அமிலத்தன்மை பிரச்சனைகளை அதிகரிக்கிறது. எனவே வாயு பிரச்சனையால் அவதிப்படுபவர்கள் இரவில் தேநீர் அருந்துவதை தவிர்க்க வேண்டும்.
இரண்டாவது, தூக்கமின்மை. தேநீரில் உள்ள காஃபின் உங்கள் ஆற்றலை அதிகரிக்கிறது, ஆனால் அது தூக்கத்தையும் பாதிக்கும். இது உங்களுக்குத் தேவையான தூக்கம் கிடைக்காமல் தூக்கமின்மை மற்றும் தூக்கம் தொடர்பான பிரச்சனைகளை அதிகரிக்க வழிவகுக்கும். அதனால், இரவில் டீ குடிப்பது தூக்கத்தைப் பாதித்து, மறுநாள் அலுவலக வேலைகளில் கவனம் செலுத்த முடியாமல் போகும்.
இந்தக் காரணங்களுக்காக, இரவில் தேநீர் அருந்தக் கூடாது என சுகாதார நிபுணர்கள் எச்சரிக்கின்றனர்.
