குவாலியர்: உத்தரபிரதேச மாநிலத்தின் தோல்விக்கு மோடி மற்றும் யோகியை குற்றம் சாட்ட வேண்டாம் என்றும் ஆணவம் கொள்ள வேண்டாம் என்றும் முன்னாள் முதல்வர் அறிவுரை கூறியுள்ளார்.
பா.ஜ.க., மூத்த தலைவரும், முன்னாள் முதல்வருமான உமா பாரதி குவாலியரில் அளித்த பேட்டியில், ‘சமீபத்தில் நடந்த லோக்சபா தேர்தலில் உத்தரபிரதேசத்தில் பா.ஜ.க., மோசமான தோல்வியை சந்தித்தது.
கட்சியின் தோல்விக்கு பிரதமர் மோடி மற்றும் முதல்வர் யோகி ஆதித்யநாத் மீது குற்றம் சாட்டுவது சரியல்ல; மொத்தமுள்ள 80 தொகுதிகளில் பா.ஜ.க. 33 இடங்களை மட்டுமே பெற்றது.
அயோத்தி ராமர் கோவிலை தேர்தலுடன் இணைக்கவில்லை. அதேபோல், மதுரா காசி தொடர்பான சர்ச்சைகளை தேர்தல் அரசியலுடன் தொடர்புபடுத்தவில்லை. சமூக அமைப்பை மதத்துடன் இணைக்காத சமூகத்தின் தன்மையை நாம் புரிந்து கொள்ள வேண்டும்.
மக்கள் மதத்தை விட சமூக ஒழுங்கின் படி வாக்களிக்கின்றனர். உத்தரப்பிரதேச தேர்தல் முடிவுகள், அயோத்திதாசரின் ராம பக்தி குறைந்துவிட்டது என்று அர்த்தமல்ல. ஒவ்வொரு ராம பக்தரும் பா.ஜ.க.வுக்கு வாக்களிப்பார்கள் என்ற திமிர் நமக்கு இருக்கக் கூடாது.
அதே சமயம், நமக்கு வாக்களிக்காதவர்கள் ராம பக்தர்கள் இல்லை என்று நினைக்கக்கூடாது. பீகார் முதல்வர் நிதிஷ்குமார், ஆந்திர முதல்வர் சந்திரபாபு நாயுடு ஆகியோருடன் கூட்டணி அமைத்து, மத்தியிலும் ஆட்சியை நடத்துவது கடினம் அல்ல; ஏனென்றால், கடந்த காலங்களில் பா.ஜ.க. அவர்களுடன் கூட்டணி வைத்து ஆட்சியை வெற்றிகரமாக நடத்தி வந்தது,” என்றார்.
