பிரேம்குமார் இயக்கிய 96 திரைப்படம் 90களின் குழந்தைகளின் வாழ்க்கையைக் காட்டும் பெரும் வெற்றி பெற்றது. அதையடுத்து தற்போது கார்த்தியை வைத்து மெய்யழகன் என்ற படத்தை இயக்கி வருகிறார்.
பிரேம்குமார் எழுதி இயக்கியிருக்கும் இப்படத்தில் கார்த்தியோடு, அரவிந்த்சாமி, ஸ்ரீதிவ்யா ஆகியோர் முக்கிய வேடங்களில் நடித்துள்ளனர். கோவிந்த் வசந்தா இசையமைக்கிறார். இப்படத்தை சூர்யாவின் 2டி எண்டர்டெயின்மெண்ட்ஸ் நிறுவனம் தயாரித்துள்ளது.
சில வாரங்களுக்கு முன் இப்படத்தின் ஃபர்ஸ்ட் லுக் போஸ்டர் வெளியாகி கவனத்தை ஈர்த்தது. பழைய பட போஸ்டர்களை நினைவுபடுத்தும் வகையில் கருப்பு வெள்ளையில் மிகவும் எளிமையாக இருந்த போஸ்டர்கள் கவனம் பெற்றன. இந்நிலையில், அரவிந்த்சாமியின் பிறந்தநாளையொட்டி, சமீபத்தில் போஸ்டர் வெளியாகி கவனம் பெற்றது.
அதையடுத்து இந்த படம் ஆகஸ்ட் 15ம் தேதி ரிலீஸ் ஆவதாக செய்திகள் வெளியாகி உள்ளது.ஏற்கனவே இதே தேதியில் விக்ரமின் தங்கலான் படம் வெளியாக உள்ளது.
