சென்னை: புறநகர் மின்சார ரயில்களில் ஏசி வசதி வேண்டும் என்ற கோரிக்கை நீண்ட நாட்களாகவே பயணிகளிடம் இருந்து வரும் நிலையில், ஜனவரி முதல் ஏசி மின்சார ரயில்கள் இயக்கப்படும் என ரயில்வே அதிகாரிகள் தெரிவித்துள்ளனர். புறநகர் மின்சார ரயில்கள் சென்னையில் தவிர்க்க முடியாதவை.
தாம்பரம், செங்கல்பட்டு உள்ளிட்ட நகரங்களில் இருந்து தினமும் ஆயிரக்கணக்கான பயணிகள் பல்வேறு காரணங்களுக்காக சென்னைக்கு வந்து செல்கின்றனர். புறநகர் மின்சார ரயில்கள் இவர்களுக்கு பெரும் வரப்பிரசாதம். சென்னையில் ஆவடி-சென்ட்ரல், கடற்கரை-வேளச்சேரி, கடற்கரை-தாம்பரம்-செங்கல்பட்டு வழித்தடங்களில் மின்சார ரயில்கள் இயக்கப்படுகின்றன. இதில், சென்னை கடற்கரை-தாம்பரம் மார்க்கத்தில் அதிக ரயில்கள் இயக்கப்படுகின்றன.
இந்த ரயில்கள் கிண்டி, மாம்பலம், எழும்பூர் உள்ளிட்ட முக்கிய பகுதிகள் வழியாக இயக்கப்படுவதால், பயணிகள் கூட்டம் எப்போதும் அதிகமாக இருக்கும். ரயில்கள் சில நிமிடங்கள் தாமதமாக வந்தாலும், ரயில் நிலையத்தில் பயணிகள் கூட்டம் திருவிழா கூட்டம் போல் உள்ளது. அந்த அளவுக்கு, சென்னை நகருக்குள் மிக முக்கியமான பாதை. புறநகர் ரயில்களில் பயணிகளின் வசதியை மேம்படுத்த பல்வேறு நடவடிக்கைகள் எடுக்கப்பட்டு வருகின்றன.
குறிப்பாக, புறநகர் மின்சார ரயில்களில் ஏசி வசதி கொண்ட ரயில்களை இயக்க வேண்டும் என்ற கோரிக்கை நீண்ட நாட்களாக பயணிகள் மத்தியில் இருந்து வருகிறது. அலுவலகம் செல்வோர் உட்பட அனைத்து தரப்பு மக்களும் புறநகர் மின்சார ரயில்களில் பயணிப்பதால், ஏசி வசதியுள்ள ரயில்கள் இயக்கப்பட்டால், சோர்வின்றி எளிதாக பயணிக்க முடியும் என்பதால், ஏசி வசதி கொண்ட பயணிகள் ரயில்கள் எப்போது இயக்கப்படும் என்ற எதிர்பார்ப்பு எழுந்துள்ளது.
ஏசி பெட்டிகளுடன் கூடிய ரயில் பெட்டிகள் தயாரிக்கும் பணி சென்னை ஐ.சி.எப். இப்பணிகள் நிறைவடைந்த நிலையில், ஜனவரி முதல் மின்சார ஏசி ரயில்கள் இயக்கப்படும் என ரயில்வே அதிகாரிகள் தெரிவித்துள்ளனர். இந்த 12 பெட்டிகள் கொண்ட ஏசி மின்சார ரயில்கள் சென்னை – செங்கல்பட்டு, மூர் மார்க்கெட் – ஆவடி, அரக்கோணம் மற்றும் கும்மிடிப்பூண்டி வழித்தடங்களில் இயக்கப்படும் என சென்னை மண்டல மேலாளர் (டிஆர்எம்) தெரிவித்தார்.
வேளச்சேரி-கடற்கரை வழித்தடத்தில் மட்டும் ஏசி ரயில்கள் இயக்கப்படாது என்றும், இந்த வழித்தடத்தில் 9 பெட்டிகள் கொண்ட ரயில்கள் மட்டுமே இயக்க முடியும் என்றும் அவர் கூறினார். இந்த ரயில்களுக்கான கட்டணத்தைப் பார்த்தால், 10 கி.மீ., தூரத்திற்கு ₹29 என கட்டணம் நிர்ணயம் செய்யப்பட்டுள்ளது. அதேபோல், ஏசி புறநகர் ரயில்களில் 11-15 கி.மீ தூரத்திற்கு ₹37 ஆகவும், 16-25 கிமீ தூரத்திற்கு ₹65 ஆகவும் நிர்ணயம் செய்யப்படுவதாக தகவல் வெளியாகியுள்ளது.
