சென்னை: அகில இந்திய காங்கிரஸ் உறுப்பினரும், மேகாலயா, மிசோரம், அருணாச்சல பிரதேச மாநிலங்களின் பொறுப்பாளருமான டாக்டர்.ஏ.செல்லக்குமார் நேற்று சென்னை சத்தியமூர்த்தி பவனில் அளித்த பேட்டி:- பார்லிமென்டில் அரசியல் சாசனம் மீதான விவாதம் 2 நாட்களாக நடந்தது. அந்த விவாதத்தின் போது, உள்துறை அமைச்சர் அமித் ஷா தனது ஆணவப் பேச்சில், அம்பேத்கரை கேலி செய்தார்.
இந்திய அரசியல் வரலாற்றில் இதுவரை இல்லாத அளவுக்கு, நான்காம் தலைமுறை பேச்சாளராக, தெரு வாரியாக, பார்லிமென்டில் பேசியிருக்கிறார், நாட்டின் உள்துறை அமைச்சர். இது மிகவும் கண்டிக்கத்தக்கது. அமித் ஷா மன்னிப்பு கேட்க வேண்டும். அவரை பிரதமர் மோடி பதவி விலக வைக்க வேண்டும். அவ்வாறு செய்யவில்லை என்றால் அவரை அந்த பதவியில் இருந்து நீக்க வேண்டும்.
நீங்கள் அம்பேத்கரை மதிக்கிறீர்கள் என்றால், அவரது தியாகத்தை மதிக்கிறீர்கள் என்றால், அவருடைய அர்ப்பணிப்பை ஏற்றுக்கொண்டால், அமித்ஷாவை உடனடியாக பதவியில் இருந்து நீக்க வேண்டும். வரும் 24-ம் தேதி இந்தியா முழுவதும் மீண்டும் போராட்டம், ஆர்ப்பாட்டம் நடத்துவோம். இவ்வாறு அவர் கூறினார்.
பேட்டியின்போது, மாநில துணைத் தலைவர் சொர்ணா சேதுராமன், ராம்மோகன், பொதுச் செயலர்கள் அருள் பெட்டியா, பி.வி. தமிழ்செல்வன், தளபதி பாஸ்கர், எஸ்.ஏ.வாசு, எம்.எம். முருகன் மற்றும் நிர்வாகிகள் கலந்து கொண்டனர்.
