முதுமை மற்றும் உடல்நலக் குறைவால் அவதிப்பட்டு வந்த முன்னாள் பிரதமர் மன்மோகன் சிங் (92) டெல்லி எய்ம்ஸ் மருத்துவமனையில் சிகிச்சை பலனின்றி காலமானார். அவரது மறைவுக்கு குடியரசுத் தலைவர் திரௌபதி முர்மு, பிரதமர் மோடி, காங்கிரஸ் தலைவர் மல்லிகார்ஜுன் கார்கே, முதல்வர் ஸ்டாலின் உள்ளிட்ட அரசியல் கட்சித் தலைவர்கள் இரங்கல் தெரிவித்துள்ளனர். உலகத் தலைவர்களும் மன்மோகனின் மறைவுக்கு இரங்கல் செய்திகளை வெளியிட்டு அவரது பணியைப் பாராட்டியுள்ளனர். மன்மோகனின் மறைவுக்கு இந்திய கிரிக்கெட் வீரர்களும் தங்கள் கையில் கருப்பு பட்டை அணிந்து அஞ்சலி செலுத்தினர்.
தற்போது மெல்போர்னில் ஆஸ்திரேலிய அணிக்கு எதிரான டெஸ்ட் போட்டியில் இந்தியா விளையாடி வருகிறது. மன்மோகனின் மரணம் குறித்து அவர்களுக்குத் தெரிவிக்கப்பட்டதும் கோஹ்லி, ரோஹித் உள்ளிட்ட அனைத்து வீரர்களும் கைகளில் நீண்ட கருப்புப் பட்டை அணிந்து விளையாடி அவரை நினைவு கூர்ந்தனர்.
அரசியலுக்கு அப்பாற்பட்டு விளையாட்டில் சிறந்து விளங்கியவர்களும் மன்மோகனின் மறைவுக்கு இரங்கல் தெரிவித்துள்ளனர். முன்னாள் வீரர்கள் யுவராஜ் சிங், வீரேந்திர சேவாக், வினேஷ் போகட், தோட்டா கணேஷ், ஜ்வாலா கட்டா உள்ளிட்ட பலர் இரங்கல் தெரிவித்துள்ளனர்.
