இயக்குனர் ராம் பேரன்பு படத்திற்கு பிறகு நிவின் பாலி, அஞ்சலி, சூரி நடிப்பில் உருவாகி வரும் படம் “எழுமலை ஏழுகடல்”. இப்படம் இரண்டு வருடங்களுக்கும் மேலாக தயாரிப்பில் உள்ளது. இந்த படத்தில் விலங்குகள் தொடர்பான நிறைய காட்சிகள் கிராபிக்ஸ் மூலம் உருவாக்கப்பட்டுள்ளது.
படம் முடிந்த பிறகு, படம் ரோட்டர்டாம் சர்வதேச திரைப்பட விழாவில் திரையிடப்பட்டது. பின்னர் ரஷ்யாவில் நடந்த மாஸ்கோ சர்வதேச திரைப்பட விழாவில் திரையிடப்பட்டது. இரண்டு விழாக்களிலும் இப்படம் பெரும் வரவேற்பையும், பாராட்டுகளையும் பெற்றது. இப்போது ட்ரான்சில்வேனியா திரைப்பட விழாவிலும் திரையிடப்படுகிறது.
இந்த படத்தின் முதல் சிங்கிள் பாடல் ஏற்கனவே வெளியாகிவிட்ட நிலையில் அடுத்த பாடல் நாளை வெளியாகவுள்ளது. யுவன் இசையில் இந்த பாடலை சந்தோஷ் நாராயணன் பாடியுள்ளார். மதன் கார்க்கி பாடலை எழுதியுள்ளார்.
