மக்கானா என்பது தாமரை விதைகளிலிருந்து பெறப்படும் ஒரு ஆரோக்கியமான சிற்றுண்டியாகும். இது குறைந்த கலோரியுடன் அதிக நார்ச்சத்தைக் கொண்டிருப்பதால், உடல் எடை குறைக்கும் முயற்சியில் உள்ளவர்களுக்கு சிறந்த தேர்வாகும். இதய ஆரோக்கியத்திற்கு மிகவும் பயனுள்ளதாக இருக்கும். இதில் மெக்னீசியம் நிறைந்திருக்க, சோடியம் குறைவாக உள்ளது.
இதனால் இரத்த அழுத்தம் கட்டுப்படுத்தப்படுவதோடு, மாரடைப்பு அபாயம் குறையும். இதன் ஆக்ஸிஜனேற்ற தன்மை இதய நோய்களை தடுப்பதில் உதவுகிறது. மக்கானா சிறுநீரக செயல்பாட்டை மேம்படுத்துகிறது. இதில் இருக்கும் பொட்டாசியம் சிறுநீரகக் கற்கள் உருவாகுவதைத் தடுக்கிறது.
எலும்புகளுக்குத் தேவையான கால்சியம் இதில் அதிகம் உள்ளது. இதனால் வயதானவர்களுக்கு இது சிறந்த உணவாக அமைகிறது. இது இரத்த சர்க்கரை அளவை கட்டுப்படுத்தி நீரிழிவு நோயாளிகளுக்கு ஏற்ற சிற்றுண்டியாக இருக்கிறது. நரம்பியல் பாதுகாப்பு சேர்மங்கள் உள்ளதால் மூளையின் செயல்பாட்டை மேம்படுத்தி மனஅழுத்தத்தை குறைக்கும்.
அதிகமாக சாப்பிட்டால் சில பக்கவிளைவுகள் ஏற்படலாம். நார்ச்சத்து அதிகம் உள்ளதால், வாயு, வீக்கம், மலச்சிக்கல் போன்ற செரிமான பிரச்சனைகள் ஏற்படக்கூடும். சிலருக்கு தோல் ஒவ்வாமை ஏற்படுத்தும். பதப்படுத்தப்பட்ட மக்கானாவில் அதிக சோடியம் உள்ளதால், இரத்த அழுத்தம் அதிகரிக்கும் அபாயம் உள்ளது. மக்கானாவை வாங்கும்போது வெள்ளையாகவும் மொறுமொறுப்பாகவும் இருக்கும் தரமான விதைகளை தேர்வு செய்ய வேண்டும். மஞ்சள் அல்லது பழுப்பு நிறமுள்ள விதைகளை தவிர்ப்பது நல்லது. இந்தியாவில் பீகாரின் மிதிலாஞ்சல் பகுதி மிக உயர்ந்த தரமான மக்கானா உற்பத்தி செய்யும்.
