புதுடெல்லி: வக்ஃப் வாரிய சொத்துக்களை ஒழுங்குபடுத்துதல் மற்றும் நிர்வகிப்பதில் உள்ள சிக்கல்களைத் தீர்க்க, தற்போதுள்ள வக்ஃப் சட்டத்தில் திருத்தம் கொண்டு வருவதற்காக வக்ஃப் திருத்த மசோதா வரைவு செய்யப்பட்டுள்ளது. இந்த மசோதா கடந்த ஆண்டு ஆகஸ்ட் 8-ம் தேதி மக்களவையில் தாக்கல் செய்யப்பட்டது. இதற்கு எதிர்க்கட்சிகள் எதிர்ப்பு தெரிவித்தன. இதனையடுத்து, பாஜக எம்பி ஜெகதாம்பிகா பால் தலைமையில் அமைக்கப்பட்ட நாடாளுமன்ற கூட்டுக் குழுவின் (ஜேபிசி) ஆய்வுக்கு மசோதா அனுப்பப்பட்டது. இக்குழு 30-க்கும் மேற்பட்ட கூட்டங்களை நடத்தி மசோதாவை ஆய்வு செய்தது. இதில், பல்வேறு திருத்தங்களுக்கு இரு தரப்பிலும் ஆலோசனைகள் முன்மொழியப்பட்டு விவாதிக்கப்பட்டன.
இதையடுத்து, பா.ஜ., கூட்டணி எம்.பி.,க்கள் கொண்டு வந்த, 14 திருத்தங்கள், ஓட்டு அடிப்படையில் ஏற்கப்பட்டன. எதிர்க்கட்சிகள் கொண்டு வந்த திருத்தங்கள் வாக்கெடுப்பின் அடிப்படையில் நிராகரிக்கப்பட்டன. இந்த திருத்தங்கள் தொடர்பான அறிக்கையும், திருத்தங்களின் அடிப்படையிலான இறுதி வரைவு மசோதாவும் கடந்த 29-ம் தேதி வாக்கெடுப்பு மூலம் அங்கீகரிக்கப்பட்டது. இதையடுத்து, கூட்டுக்குழுவின் தலைவர் ஜெகதாம்பிகா பால், உறுப்பினர்களுடன் கடந்த 30-ம் தேதி மக்களவை சபாநாயகர் ஓம் பிர்லாவை சந்தித்து அறிக்கை சமர்ப்பித்தார். கூட்டுக்குழுவில் வாக்கெடுப்பு மூலம் மசோதா நிறைவேற்றப்பட்டதற்கு எதிர்க்கட்சி உறுப்பினர்கள் கடும் கண்டனம் தெரிவித்தனர். இந்நிலையில் இன்று நாடாளுமன்றத்தின் இரு அவைகளிலும் கூட்டுக் குழுவின் அறிக்கை தாக்கல் செய்யப்பட்டது.
இதற்கு எதிர்க்கட்சி எம்.பி.க்கள் எதிர்ப்பு தெரிவித்தனர். மசோதா மீது விவாதம் நடத்தக் கோரி முழக்கங்களை எழுப்பினர். மேலும், குஜராத்தில் தொழிலதிபர் ஒருவருக்கு திட்டம் ஒதுக்கப்பட்டது தொடர்பாக எதிர்க்கட்சி உறுப்பினர்கள் ஆட்சேபனை தெரிவித்ததால் மக்களவை நடவடிக்கைகள் பாதிக்கப்பட்டன. இதனால் கோபமடைந்த சபாநாயகர் ஓம் பிர்லா, அவை நடவடிக்கைகளை சீர்குலைக்க வேண்டாம் என்றும், அவையின் பாரம்பரியத்தை பின்பற்றுமாறும் வலியுறுத்தினார். இந்நிலையில் மக்களவை பிற்பகல் 2 மணி வரை ஒத்திவைக்கப்பட்டுள்ளது. ராஜ்யசபாவில் வக்ஃப் மசோதா கூட்டுக் குழு அறிக்கைக்கு எதிராக எதிர்க்கட்சி எம்.பி.க்கள் முழக்கங்களை எழுப்பினர்.
இதைத் தொடர்ந்து எதிர்க்கட்சி உறுப்பினர்கள் வெளிநடப்பு செய்தனர். காங்கிரஸ் தலைவர் மல்லிகார்ஜுன கார்கே கூறுகையில், ‘வக்பு வாரிய சட்டத்திருத்த மசோதா குறித்து ஆளுங்கட்சி உறுப்பினர்களின் கருத்துகள் மட்டுமே கூட்டுக்குழு அறிக்கையில் இடம் பெற்றுள்ளன. எதிர்க்கட்சி உறுப்பினர்களின் கருத்துகள் மற்றும் கருத்துக்கள் சேர்க்கப்படவில்லை. எதிர்க்கட்சி உறுப்பினர்களின் அதிருப்தி கருத்துக்கள் ஏன் சேர்க்கப்படவில்லை? இது ஜனநாயக விரோதமானது. அறிக்கையை திரும்ப பெறாவிட்டால் தொடர் போராட்டம் நடத்தப்படும்,’ என்றார். காங்கிரஸ் எதிர்ப்பு கேரளாவின் கடலோர மற்றும் வன எல்லையோர மக்களை பாதுகாக்க வலியுறுத்தி மக்களவை எதிர்க்கட்சி தலைவர் ராகுல் காந்தி உள்ளிட்ட காங்கிரஸ் எம்பிக்கள் இன்று நாடாளுமன்ற வளாகத்தில் போராட்டத்தில் ஈடுபட்டனர்.
இது குறித்து காங்கிரஸ் எம்.பி. வயநாட்டில் கடந்த டிசம்பர் 27-ம் தேதி முதல் இதுவரை 7 பேர் காட்டு யானை தாக்கி உயிரிழந்துள்ளதாக பிரியங்கா காந்தி தெரிவித்துள்ளார். இது மிகவும் கவலைக்கிடமான நிலை. இப்பிரச்னையை போக்க மத்திய, மாநில அரசுகள் நிதியை அனுப்ப வேண்டும். “நான் உள்ளூர் மக்களிடம் பேசியபோது, அவர்கள் தங்களால் முடிந்ததைச் செய்கிறார்கள், ஆனால் அவர்களிடம் போதுமான நிதி இல்லை. அவர்களுக்கு அவசரமாக உதவி தேவை, நான் அதை இன்று (லோக்சபாவில்) எழுப்புவேன்,” என்று அவர் கூறினார்.
