சென்னை: சர்வதேசப் பொருளாதாரச் சூழலுக்கு ஏற்ப இந்தியாவில் தங்கம் விலை ஏற்றமும், இறக்கமும் அடைந்து வருகிறது. சமீபகாலமாக தங்கம் விலை அதிகரித்துள்ளது. அதே சமயம் தங்கம் விலையில் ஏற்ற, இறக்கம் உள்ளது. இந்நிலையில் நேற்று தங்கம் விலை சற்று அதிகரித்தது.
அதன்படி, கிராமுக்கு ரூ. 10 அதிகரித்து ரூ. 8,040 மற்றும் பவுனுக்கு ரூ. 80 அதிகரித்து ஒரு பவுன் ரூ. 64,320-க்கும் விற்பனையானது. இதேபோல், 24 காரட் சுத்த தங்கத்தின் விலை ரூ. 70,168-க்கும் விற்பனையானது.
இருப்பினும் நேற்று வெள்ளியின் விலையில் எந்த மாற்றமும் இல்லை. இதேபோல் ஒரு கிலோ பார் வெள்ளியின் விலை நேற்று ரூ. 1,08,000 ஆக இருந்தது.
