ஊட்டி : ஊட்டி மத்திய பேருந்து நிலையம் அருகே ரூ.2 கோடி மதிப்பில் அறிவியல் பூங்கா அமைக்கும் பணியை நகராட்சி நிர்வாகம் துவக்கியுள்ளது. சுற்றுலா நகரமான ஊட்டியில் பல்வேறு பகுதிகளில் பூங்காக்கள் உள்ளன. தாவரவியல் பூங்கா, ரோஜா பூங்கா, மரக்கன்று ஆகியவை தோட்டக்கலை துறையின் கட்டுப்பாட்டில் உள்ளன. இங்கு தினமும் ஏராளமான சுற்றுலா பயணிகள் வந்து செல்கின்றனர். இதுதவிர ஊட்டி நகராட்சி கட்டுப்பாட்டில் ஏராளமான சிறு பூங்காக்கள் உள்ளன.
சுற்றுலாப் பயணிகள் இந்த பூங்காவிற்கு அதிகம் வருவதில்லை என்றாலும், உள்ளூர் மக்கள் இதை ஓய்வெடுக்கவும், நடைபயணம் செய்யவும் பயன்படுத்துகின்றனர். அதேநேரம், இந்த பூங்காக்களை சுற்றுலா பயணிகள் மற்றும் உள்ளூர் மக்கள் பார்வையிடும் வகையில் மேம்படுத்த நகராட்சி நிர்வாகம் முடிவு செய்துள்ளது. அதன்படி, ஊட்டி மத்திய பேருந்து நிலையம் அருகே உள்ள நகராட்சி பூங்காவை அறிவியல் பூங்காவாக மாற்ற ரூ. 2 கோடி ரூபாய் ஒதுக்கீடு செய்யப்பட்டுள்ளது.
இதற்காக பூங்காவை தயார்படுத்தும் பணி தற்போது தொடங்கியுள்ளது. கட்டுமானப் பணிகள் நிறைவடைந்த நிலையில், இங்கு பல்வேறு அறிவியல் படைப்புகளை வைக்க நகராட்சி நிர்வாகம் திட்டமிட்டுள்ளது. இதுகுறித்து நகராட்சி கமிஷனர் ஸ்டான்லி பாபு கூறுகையில், ”தமிழகத்தில் பல்வேறு பகுதிகளில் அறிவியல் பூங்காக்கள் உள்ளன. ஆனால், நீலகிரி மாவட்டத்தில் இதுபோன்ற பூங்காக்கள் இல்லை. எனவே ஊட்டி நகராட்சி மத்திய பேருந்து நிலையம் அருகே உள்ள பூங்காவை அறிவியல் பூங்காவாக மாற்றும் பணியில் ஈடுபட்டுள்ளது.
இந்த பூங்காவில் அறிவியல் தொடர்பான பல்வேறு பணிகள் வைக்கப்படும். பள்ளி, கல்லூரி மாணவ, மாணவியர் இதனை கண்டு பயன்பெறலாம். அதேபோல், சுற்றுலா பயணிகள் மற்றும் உள்ளூர் மக்களும் இதனை கண்டு மகிழலாம்,” என்றார்.
