பிரபாஸ், கமல்ஹாசன், அமிதாப் பச்சன், தீபிகா படுகோன், திஷா பதானி மற்றும் பலர் நடித்துள்ள கல்கி படத்தை நாக் அஸ்வின் இயக்கி வைஜெயந்தி மூவிஸ் தயாரித்துள்ளது. இரண்டு பாகங்களைக் கொண்ட இந்தப் படத்தின் முதல் பாகம் கடந்த வாரம் உலகம் முழுவதும் வெளியானது.
இப்படம் முதல் நாளில் 191.5 கோடி ரூபாய் வசூல் செய்து இந்திய சினிமாவில் இதுவரை எந்த படமும் செய்யாத சாதனையை படைத்துள்ளது. அதன்பிறகு தொடர்ந்து தினமும் 100 கோடி ரூபாய்க்கு மேல் வசூல் செய்து வருகிறது. இந்நிலையில், சில நாட்களுக்கு முன்பு இந்த படம் 900 கோடி ரூபாய் வசூலித்ததாக கூறப்பட்டது.
இந்நிலையில், வசூல் 1000 கோடி ரூபாயை தாண்டியுள்ளதாக படக்குழு அறிவித்துள்ளது. இதன் மூலம் பாகுபலி 2 படத்திற்கு பிறகு இரண்டாவது முறையாக 1000 கோடி ரூபாய் வசூல் செய்த தென்னிந்திய ஹீரோ என்ற பெருமையை பிரபாஸ் பெற்றுள்ளார்.
