பிருத்விராஜ் சுகுமாரன் தலைமையிலான ‘ஆடுஜீவிதம் (ஆடு வாழ்க்கை)’ திரைப்படம் உலகளவில் மாபெரும் வெற்றியைப் பெற்றுள்ளது, இப்போது அது OTT அறிமுகத்திற்கு தயாராகி வருகிறது. பெரிய திரையில் அதைப் பார்க்க முடியாதவர்கள், விரைவில் தங்கள் வீட்டில் இருந்தபடியே அதை பார்க்க முடியும்.
பிரபல மலையாள நடிகர் பிருதிவிராஜ் நடித்த ஆடு ஜீவிதம் திரைப்படம் கடந்த மார்ச் மாதம் வெளியாகி இந்த படத்தின் OTT ரிலீஸ் தேதி அறிவிக்கப்பட்டுள்ளது. பிருதிவிராஜ், அமலா பால் நடித்த ஆடுஜீவிதம் படத்தை ப்ளஸ்ஸி இயக்கியிருந்தார் என்பதும், இந்தப் படம் 82 கோடி பட்ஜெட்டில் உருவாகி உலகம் முழுவதும் 160 கோடி வசூல் செய்ததும் குறிப்பிடத்தக்கது.
ஆனால், கடந்த சில மாதங்களாக இந்தப் படத்தின் OTT வியாபாரம் நடைபெறாத நிலையில், தற்போது இந்தப் படத்தை ஜூலை 19ஆம் தேதி வெளியிடுவதாக நெட்ஃபிக்ஸ் அறிவித்துள்ளது.
தமிழ், தெலுங்கு, மலையாளம், கன்னடம் மற்றும் இந்தி ஆகிய ஐந்து மொழிகளில் இப்படம் நெட்ஃபிக்ஸ் ஓடிடியில் வெளியாகும் என அறிவிக்கப்பட்டுள்ளது. திரையரங்குகளில் வெளியாகி மாபெரும் வெற்றி பெற்ற ஆடுஜீவிதம், ஓடிடியிலும் நல்ல வரவேற்பை பெறும் என எதிர்பார்க்கப்படுகிறது.
