இந்தியன் 2 படத்திற்கு முதல் நாள் முதலே எதிர்மறையான கருத்துகள் அதிகம் வருவதால் படத்தின் ரன்னிங் நேரத்தை குறைத்து வருகின்றனர் படக்குழுவினர். இயக்குனர் ஷங்கர் இயக்கத்தில் கமல்ஹாசனின் இந்தியன் 2 திரைப்படம் வெளியாகியுள்ளது. எஸ்.ஜே.சூர்யா, சித்தார்த், ரகுல் ப்ரீத் சிங் மற்றும் பலர் நடித்துள்ள இந்த படத்திற்கு அனிருத் இசையமைத்துள்ளார். லைகா புரொடக்ஷன்ஸ் தயாரித்துள்ளது. பெரிதும் எதிர்பார்க்கப்பட்ட இப்படம் இரண்டு நாட்களாக கலவையான விமர்சனங்களை சந்தித்து வருகிறது.
படத்தின் ரன்னிங் டைம் 3 மணி நேரம் அலுப்பூட்டுவதாகவும், திரைக்கதை மெதுவாக நகர்வதாகவும் பெரும்பாலான பார்வையாளர்கள் கருத்து தெரிவித்தனர். இந்நிலையில், படத்தில் இருந்து சில காட்சிகளை நீக்கியதால் படத்தின் ரன்னிங் டைம் குறைக்கப்பட்டுள்ளதாக செய்திகள் வெளியாகியுள்ளன.
தற்போது படத்தில் சில தேவையற்ற காட்சிகள் நீக்கப்பட்டுள்ளதாகவும், படத்தின் ரன்னிங் டைம் 2 மணி நேரம் 40 நிமிடங்களாக குறைக்கப்பட்டுள்ளதாகவும் செய்திகள் வெளியாகியுள்ளன. இப்படம் எதிர்பார்த்த வரவேற்பை பெறுமா என்ற கேள்வி எழுந்துள்ளது.
