கோவாவில் 57-வது சர்வதேச திரைப்பட விழா (IFFI) நவம்பர் 20-ம் தேதி தொடங்கியது. இந்தியா மற்றும் பல்வேறு நாடுகளைச் சேர்ந்த திரைப்படங்கள் இந்த விழாவில் திரையிடப்படுகின்றன.
தொடக்க விழாவில் கார்த்திக் ஆர்யன், சாய் பல்லவி, ஸ்ரத்தா கபூர் உள்ளிட்ட திரைப்பட நட்சத்திரங்கள் கலந்து கொண்டனர். கோவா முதலமைச்சர் பிரமோத் சாவந்த் விழாவைத் தொடங்கி வைத்தார்.
இந்த ஆண்டு விழாவில் 86 நாடுகளைச் சேர்ந்த திரைப்படங்கள் இடம்பெறுகின்றன. 150-க்கும் மேற்பட்ட திரைப்படங்கள் திரையிடப்பட உள்ளதாக அறிவிக்கப்பட்டுள்ளது.
உலக சினிமாவின் பல்வேறு கதைக்களங்கள், கலை வடிவங்கள் மற்றும் திரைப்படத் தயாரிப்பு முறைகளை அறிமுகப்படுத்தும் முக்கிய நிகழ்வாக IFFI அமைந்துள்ளது.
