‘அமரன்’ படத்தின் ஒரு காட்சியில், சாய் பல்லவி சிவகார்த்திகேயனிடம் தனது தொலைபேசி எண்ணை எழுதி வைத்துள்ளார். படத்துக்குப் பயன்படுத்திய தொலைபேசி எண்ணாக இருந்தாலும் ரசிகர்கள் ‘சும்மா’ இருப்பார்களா? அந்த எண்ணை குறித்து வைத்து சாய் பல்லவிக்கு போன் செய்ய ஆரம்பித்துள்ளனர். அந்த எண் சென்னையைச் சேர்ந்த வி.வி. வாகீசனுக்கு சொந்தமானது.
ஆர்வத்தின் காரணமாக, சாய் பல்லவி எடுப்பார் என்று நினைத்த ரசிகர்கள், வாகீசனுக்கு போன் போட்டு அவரை படுத்தி எடுத்துவிட்டார்கள். இதனால் ஆத்திரமடைந்த வாகீசன், படக்குழுவினருக்கு தலா ரூ.5 லட்சம் இழப்பீடு கேட்டு நோட்டீஸ் அனுப்பியுள்ளார்.
அவருக்கு ஏற்பட்ட மன உளைச்சலுக்கு 1 கோடியே 10 லட்சம் ரூபாய் கேட்டு படக்குழுவுக்கு வக்கீல் நோட்டீஸ் அனுப்பியுள்ளார். லிங்குசாமியின் ‘சண்டக்கோழி’ படம் வெளியானபோது இயக்குநர் வசந்தபாலன் படக்குழுவினரை வாழ்த்தி குறுஞ்செய்தி அனுப்பினார். படத்தின் விளம்பரத்தில் ஒரு வாழ்த்துச் செய்தியுடன் அவரது தொடர்பு எண்ணும் தோன்றியதைத் தொடர்ந்து வந்த தொடர்ச்சியான அழைப்புகளால் வசந்தபாலன் திகைத்துப் போனார். இந்த ‘பிளாஷ்பேக்கை’ ஃபேஸ்புக்கில் நினைவுபடுத்திய வசந்தபாலன், ‘லிங்குவிடம் நஷ்டஈடு கேட்கலாம் போல…’ என்று கேலி செய்தார்!
