சென்னை: பார்க்கிங் படத்தை தொடர்ந்து அகாடெமி நூலகத்தில் நடிகர் தனுஷின் ராயன் படம் இடம் பெற்றுள்ளது என்று தகவல்கள் வெளியாகி உள்ளது.
நடிகர் தனுஷ் அவரது 50 வது திரைப்படமான ராயன் திரைப்படத்தை அவரே இயக்கி அதில் நடித்து இருந்தார். மக்களிடம் நல்ல வரவேற்பை பெற்று வருகிறது.
தனுஷுடன் துஷாரா விஜயன், காளிதாஸ் ஜெயராம், சந்தீப் கிஷன், எஸ்.ஜே சூர்யா, செல்வராகவன், பிரகாஷ்ராஜ் மற்றும் பலர் நடித்துள்ளனர். படத்தில் நடித்த அனைவருக்கும் நல்ல பாராட்டு கிடைத்த நிலையில். திரைப்படம் வெளியாகி குறுகிய காலத்தில் 100 கோடி ரூபாய் வசூலித்துள்ளது.
மேலும் இப்படம் மகுடம் சூடும் வகையில் படத்தின் திரைக்கதையை லைப்ரரி ஆஃப் தி அகாடெமி ஆஃப் மோஷன் ஆர்ட்ஸ் அண்ட் சைன்ச்- இல் சேர்க்கப்பட்டுள்ளதாக தகவல் வெளியாகியுள்ளது.
இந்த லைப்ரரியில் 1910 காலக்கட்டத்தில் இருந்து தற்பொழுது வரை வந்த வித்தியாசமான கதையை தேர்வு செய்து வைத்துள்ளனர், திரைத்துறை மாணவர்கள், எழுத்தாளர், நடிகர்கள் மற்றும் இயக்குனர்களுக்கு இந்த திரைக்கதைகள் பரிந்துரையாக இருக்கும்.
