பிரபல இந்தி நடிகர் சன்னி தியோல். தற்போது ‘ஜாட்’ என்ற இந்தி படத்தில் நடித்து வருகிறார். ரெஜினா காசண்ட்ரா, ரன்தீப் ஹூடா, ரம்யா கிருஷ்ணன், ஜெகபதி பாபு உள்ளிட்ட பலர் நடிக்கின்றனர். இப்படத்தை தெலுங்கு இயக்குனர் கோபிசந்த் மலினேனி இயக்குகிறார். ‘புஷ்பா’ படத்தை தயாரித்த தெலுங்கு பட நிறுவனமான மைத்ரி மூவி மேக்கர்ஸ் தயாரிக்கிறது.
ஏப்ரல் 10-ம் தேதி வெளியாகும் இப்படத்தின் டிரைலர் வெளியீட்டு விழா மும்பையில் நடைபெற்றது. நடிகர் சன்னி தியோல் பேசுகையில், தென்னிந்திய தயாரிப்பாளர்களை பாராட்டினார். “இந்தியத் திரைப்படத் தயாரிப்பாளர்கள் தென்னிந்தியத் திரைப்படத் தயாரிப்பாளர்களிடம் ஆர்வத்துடன் படம் எடுப்பதைக் கற்றுக் கொள்ள வேண்டும். முதலில் இந்திப் படங்களைத் தயாரிக்க வேண்டும். பிறகு திரைப்படம் எடுப்பது எப்படி என்று கற்றுக் கொள்ள வேண்டும்.
தென்னிந்திய சினிமாவில் கதைதான் ஹீரோ. ‘ஜாட்’ படக்குழுவினருடன் பணிபுரிவது எனக்கு மிகவும் பிடித்திருந்தது. அவர்களுடன் இன்னொரு படத்தில் நடிக்க உற்சாகமாக இருப்பதாகவும் கூறினேன். ஒருவேளை தென்னிந்தியாவிலும் ‘செட்டில்’ ஆகலாம். இந்தி இயக்குனர்கள் “மேற்கத்திய கலாச்சாரத்தில் உள்ள வேர்களை மறந்து விடுகிறார்கள். நம் நாட்டில் என்ன நடக்கிறது என்பதை மறந்து விடுகிறார்கள். தென்னிந்திய திரையுலகம் அந்த பிரச்சினைகளை தழுவி வருகிறது. அதனால் அவர்கள் தயாரிக்கும் படங்களுக்கு இந்தியா முழுவதும் வரவேற்பு கிடைத்து வருகிறது. இந்தி சினிமா இந்தப் போக்கைப் பின்பற்றி நமது வேர்களுக்குத் திரும்ப வேண்டும்,” என்கிறார்.
