சென்னை: துப்பறிவாளன் 2 படத்தை இயக்கி நடிக்கிறார் நடிகர் விஷால். இந்த படம் நவம்பர் மாதம் படப்பிடிப்புடன் தொடங்கும் என்று கூறப்படுகிறது.
திமிரு’, தாமிரபரணி, மலைக்கோட்டை என பல வெற்றிப்படங்களில் நடித்து தமிழ் சினிமாவில் முன்னணி நடிகரானவர் விஷால்.இந்நிலையில் நடிகர் விஷால் தற்போது ‘துப்பறிவாளன்- 2’ படம் மூலம் புதிய இயக்குநராக மாறி இருக்கிறார்.
விஷால் நடிப்பிற்கு வருவதற்கு முன் நடிகர் அர்ஜூனிடம் உதவி இயக்குனராக பணிபுரிந்தவர் குறிப்பிடத்தக்கது. இவரது நடிப்பில் கடைசியாக ஹரி இயக்கத்தில் வெளிவந்த ரத்னம் திரைப்படம் மக்களிடையே நல்ல வரவேற்பை பெற்றது.
மிஷ்கின் இயக்கத்தில் 2017 ஆம் ஆண்டு வெளியானது துப்பறிவாளன் திரைப்படம், இப்படம் ஒரு டிடெக்டிவ் கதைக்களமாக அமைந்து மக்களிடையே பெரும் வரவேற்பை பெற்றது.
தொடர்ந்து இரண்டாம் பாகத்தை விஷால் இயக்கி நடிக்கிறார். இப்படத்திற்கு இளையராஜா இசையமைக்கவுள்ளார். படத்தின் படப்பிடிப்பு பணிகள் நவம்பர் மாதம் முதல் தொடங்கும் என எதிர்ப்பார்க்கப்படுகிறது. அஜர்பைஜான், லண்டன் மற்றும் மல்டா ஆகிய இடங்களில் படப்பிடிப்பு நடக்கவிருக்கிறது.
படத்தில் நடிக்க கூடிய மற்ற நடிகர்களை பற்றிய தகவல்கள் விரைவில் வெளியாகும் என எதிர்ப்பார்க்கப்படுகிறது.
