சென்னை : தனது திருமண புகைப்படங்களை நடிகை அபிநயா இன்ஸ்டாகிராம் பக்கத்தில் வெளியிட்டுள்ளார். இதை பார்த்த ரசிகர்கள் பலரும் அவருக்கு வாழ்த்துக்களை கூறி வருகின்றனர்.
2008-ம் ஆண்டு தெலுங்கில் ரவி தேஜா நடிப்பில் வெளியான நின்னந்தே என்ற படத்தின் மூலம் திரையுலகில் அறிமுகமான அபிநயா, அடுத்து நாகர்ஜூனாவின் கிங் படத்தில் நடித்திருந்தார்.
2009-ம் ஆண்டு தமிழில் வெளியான நாடோடிகள் படத்தில் சசிகுமாரின் தங்கையாக நடித்து தமிழ் ரசிகர்கள் மத்தியில் வரவேற்பை பெற்ற இவர், ஈசன், வீரம், பூஜை, குற்றம் 23 உள்ளிட்ட பல வெற்றிப்படங்களில் நடித்துள்ளார்.
தமிழ், தெலுங்கு, மலையாளம், இந்தி, கன்னடம் என 5 மொழி படங்களில் நடித்துள்ள அபிநயா, கடைசியாக மார்க் ஆண்டனி படத்தில் விஷாலுக்கு மனைவியாக நடித்திருந்தார்.
தற்போது மூக்குத்தி அம்மன் 2 படத்தில் நடித்து வரும் அபிநயா, கடந்த மார்ச் மாதம், தனது நீண்டநாள் காதலர் வெகசனா கார்த்திக் என்பவருடன் நிச்சயதார்த்தம் செய்துகொண்டார்.
ஏப்ரல் 16-ந் தேதி இவர்களின் திருமணம் நடைபெற்றது. தற்போது திருமண புகைப்படங்களை அபிநயா தனது இன்ஸ்டாகிராம் பக்கத்தில் வெளியிட்டுள்ளார். இதை பார்த்த ரசிகர்கள் பலரும் அவருக்கு வாழ்த்துக்களை கூறி வருகின்றனர்.
