ஜெய்ப்பூரில் நடந்த சர்வதேச இந்திய திரைப்பட விருது விழாவில் நடிகை ஸ்ரீதேவியின் கணவரும் தயாரிப்பாளருமான போனி கபூர் கலந்து கொண்டார். அப்போது செய்தியாளர்களிடம் பேசிய அவர், “2017-ம் ஆண்டு வெளியான எனது மனைவியும் நடிகையுமான ஸ்ரீதேவியின் ‘மாம்’ படத்தின் இரண்டாம் பாகம் உருவாகிறது.
இதில் என் மகள் குஷி கபூர் முக்கிய வேடத்தில் நடிக்கிறார். மேலும் சில முன்னணி நடிகர், நடிகைகளும் நடிக்கிறார்கள். இது இறுதியானதும் அதிகாரப்பூர்வ அறிவிப்பு வெளியாகும். குஷியும் ஜான்வியும் தங்கள் தாயின் முன்மாதிரியைப் பின்பற்றுகிறார்கள். ஸ்ரீதேவி தான் நடித்த அனைத்து மொழிகளிலும் முன்னணி நடிகையாக இருந்தார்.
அவரது மகள்களும் அதே அளவிலான வெற்றியைப் பெறுவார்கள் என்று நம்புகிறேன். ஸ்ரீதேவியின் வாழ்க்கை வரலாற்றை படம் எடுக்கும் எண்ணம் எனக்கு இல்லை” என்றார். ஸ்ரீதேவியின் வாழ்க்கையை மையமாக வைத்து படம் எடுக்க மாட்டேன் என போனி கபூர் கடந்த ஆண்டு தெரிவித்திருந்தார்.
