சென்னை: நடிகர் விஜய் தற்போது எச். வினோத் இயக்கிய ‘ஜனநாயகன்’ படத்தில் நடித்து முடித்துள்ளார். இந்தப் படம் அடுத்த ஆண்டு ஜனவரி 9-ம் தேதி வெளியாகும். இது விஜய்யின் கடைசி படம் என்று அறிவிக்கப்பட்டது. தற்போது அவர் முழுநேர அரசியலில் குதித்துள்ளார்.
இந்நிலையில், கமல்ஹாசன், சிவகார்த்திகேயன் உள்ளிட்ட தமிழ்த் திரையுலகைச் சேர்ந்த பல நட்சத்திரங்கள் துபாயில் நடைபெற்ற விருது வழங்கும் விழாவில் கலந்து கொண்டனர். அதில், 25 ஆண்டுகள் சினிமாவில் நிறைவு செய்த நடிகை திரிஷாவுக்கு சிறப்பு விருது வழங்கப்பட்டது.
அப்போது, திரிஷா மேடையில் தான் பணியாற்றிய ஒவ்வொரு நடிகரைப் பற்றியும் பேசினார். அப்போது திரிஷாவுக்கு விஜய்யின் புகைப்படம் காட்டப்பட்டது. பின்னர் பேசிய திரிஷா, “விஜய்யின் புதிய பயணத்திற்கு வாழ்த்துக்கள்.
அவரது கனவுகள் அனைத்தும் நனவாகட்டும், அவை எதுவாக இருந்தாலும் சரி. ஏனென்றால் அவர் அதற்கு தகுதியானவர்.” விஜய் பற்றி த்ரிஷா பேசும் இந்த வீடியோ இணையத்தில் வைரலாகி வருகிறது.
