கௌதம் நுன்னூரி இயக்கத்தில், விஜய் தேவரகொண்டா, பாக்யஸ்ரீ போஸ், சத்ய தேவ் மற்றும் பலர் நடித்துள்ள ‘கிங்டம்’ திரைப்படம். மிகுந்த எதிர்பார்ப்புடன் வெளியான இந்தப் படம் கலவையான விமர்சனங்களைப் பெற்றது. மேலும், இந்தப் படம் எதிர்பார்த்த வசூலைப் பெறவில்லை. இப்போது படக்குழு அதன் ஓடிடி வெளியீட்டில் சில மாற்றங்களைச் செய்ய உள்ளது.
‘கிங்டம்’ படத்தில் இருந்து நீக்கப்பட்ட ஹிருதயம் பாடலும், ஒரு சண்டைக் காட்சியும் ஓடிடியில் வெளியிடப்படும். ஹிருதயம் பாடல் மிகுந்த கவனத்தைப் பெற்ற பாடலாகும். படம் வெளியான பிறகு, இந்தப் பாடல் இல்லாதது குறித்து பலர் அதிருப்தி தெரிவித்தனர்.
இப்போது அதை ஓடிடியில் சேர்க்க படக்குழு திட்டமிட்டுள்ளது. மேலும், ‘கிங்டம்’ படத்தின் அடுத்த பாகத்தின் படப்பிடிப்புக்கு முன், ஓடிடியில் ஒரு படத்தைத் தயாரிக்க திட்டமிட்டுள்ளனர்.
இது முருகன் மற்றும் சேது கதாபாத்திரங்களைக் கொண்டு தயாரிக்கப்படும். ‘கிங்டம் 2’ படத்தைத் தொடர்ந்து வெளியாகும் என்று இயக்குனர் கௌதம் நுன்னூரி அறிவித்துள்ளார்.
