சென்னை: தனுஷ் இயக்கத்தில் சமீபத்தில் வெளியான படம் ‘ராயன்’. இப்படத்தைத் தொடர்ந்து ‘நிலவுக்கு என்மேல் என்னடி கோபம்’ படத்தை இயக்கினார். அடுத்து ‘இட்லி கடை’ படத்தை இயக்குகிறார். இந்த படத்தில் அருண் விஜய் நாயகனாக நடிக்கவுள்ளதாக தகவல் வெளியாகியுள்ளது. நித்யா மேனன், ஷாலினி பாண்டே மற்றும் பலர் நடிப்பது உறுதியாகியுள்ளது.
ஜி.வி.பிரகாஷ் இசையமைக்க, கிரண் கௌசிக் ஒளிப்பதிவாளராக பணியாற்றுகிறார். இப்படத்தை தனுஷுடன் இணைந்து ஆகாஷ் பாஸ்கரனும் தயாரிக்கிறார். தேனி மற்றும் பொள்ளாச்சியில் படத்தின் முக்கிய காட்சிகளின் படப்பிடிப்பை முடித்துள்ளனர் படக்குழு. விரைவில் சென்னையில் சில இடங்களில் படப்பிடிப்பை நடத்த உள்ளனர்.
இறுதிக்கட்ட படப்பிடிப்பை துபாயில் நடத்த திட்டமிட்டுள்ளனர். இதுவரை 75% காட்சிகள் படமாக்கப்பட்டுள்ளன. நிலவுக்கு என்மேல் என்னடி கோபம் அடுத்த ஆண்டு தொடக்கத்தில் வெளியாகவுள்ளது. இதைத் தொடர்ந்து ‘இட்லி கடை‘ படம் ஏப்ரல் 10-ம் தேதி திரையரங்குகளில் வரவுள்ளது.
அதே நாளில் கார்த்திக் சுப்புராஜ் இயக்கத்தில் சூர்யா 44 படமும் வெளியாகும் என்றும் கூறப்படுகிறது.
