சென்னை: ‘குடும்பஸ்தன்’ படக்குழுவுடனான புகைப்படத்தை தனது எக்ஸ் இணையதளத்தில் பகிர்ந்துள்ள இயக்குநர் பா.ரஞ்சித், “அன்பு அண்ணன் மணிகண்டன், இயக்குநர் ராஜேஷ்வர் காளிசாமி, குரு சோமசுந்தரம் மற்றும் படக்குழுவினருக்கு வாழ்த்துகள். குடும்பஸ்தான் குடும்பத்தை கொண்டாடும் படம்.
திரையரங்குகளில் அதிர்வலைகளை ஏற்படுத்தி வருகிறது,” என்றார். ராஜேஷ்வர் காளிசாமி இயக்கத்தில் மணிகண்டன் நடிப்பில் கடந்த ஜனவரி 24-ம் தேதி வெளியான ‘குடும்பஸ்தன்’ திரைப்படம் பாக்ஸ் ஆபீஸ் மற்றும் விமர்சன ரீதியாக நல்ல வரவேற்பை பெற்றுள்ளது. குரு சோமசுந்தரம் முக்கிய வேடத்தில் நடிக்கிறார்.
வைசாக் இசையமைத்துள்ளார். நடுத்தரக் குடும்பத்தைச் சேர்ந்த இளைஞன் பணத்திற்காக படும் இன்னல்களை நகைச்சுவை கலந்த திரைப்படமாக வழங்கியுள்ளார் இயக்குநர் ராஜேஷ்வர் காளிசாமி. இப்படம் மக்களிடம் நல்ல வரவேற்பை பெற்றுள்ளது. வசூல் ரீதியாக லாபம் ஈட்டியுள்ளதாக சினிமா துறையினர் தெரிவித்துள்ளனர் என்பது குறிப்பிடத்தக்கது.
