சென்னை : ரசிகர்களின் வரவேற்பை பெற்ற எமகாதகி திரைப்படம் ஓடிடியில் இன்று வெளியாகியுள்ளது.
அண்மையில் திரையரங்குகளில் வெளியாகி ரசிகர்கள் மத்தியில் நல்ல வரவேற்பைப் பெற்ற திரைப்படம் ‘எமகாதகி’. இப்படத்தை இயக்குநர் பெப்பின் ஜார்ஜ் இயக்கியுள்ளார். சரங் பிரதர்ஸ் தயாரிப்பு நிறுவனம் தயாரித்துள்ளது.
ஜாதி, காதல், ஆணவப்படுகொலை போன்றவற்றை மையமாக வைத்து எடுக்கப்பட்ட இப்படத்தில் ரூபா கொடுவாயூர் நாயகியாக நடித்துள்ளார். முக்கியமாக, இப்படத்துக்காக ரூபா 20 நாள்கள் பிணமாக நடித்து ஆச்சரியப்படுத்தினார்.
இந்நிலையில், எமகாதகி திரைப்படம் ஆஹா தமிழ் ஓடிடி தளத்தில் இன்று வெளியாகியுள்ளது.
