அஜித் குமார் நடித்து வரும் குட் பேட் அக்லி படத்தில், பிரசன்னா அஜித்க்கு வில்லனாக நடிக்க இருப்பது உறுதி செய்யப்பட்டு இருக்கிறது. இதற்கான தகவல் தற்போது சமூக ஊடகங்களில் பரவியுள்ள நிலையில், பிரசன்னா தனது இன்ஸ்டாகிராம் கணக்கில் இதுகுறித்து பதிவேற்றம் செய்துள்ளார். இதனை பார்த்த ரசிகர்கள், பிரசன்னாவுக்கு வாழ்த்து தெரிவித்து வருகின்றனர்.
ஆதிக் ரவிச்சந்திரன் இயக்கத்தில் உருவாகும் இந்த படம், நிச்சயமாக எதிர்பார்ப்புகளை நிறைவேற்றும் என்று எதிர்ப்பார்க்கப்படுகிறது. பிரசன்னா, “நம் அன்புக்குரிய தல அஜித் குமார் சாரின் படத்தில் நான் நடிக்கிறேன்” என்ற தகவலானது உண்மையென உறுதி செய்துள்ளார்.
அவர் கூறியதாவது, “என் கனவு நினைவாகிவிட்டது” என்றும், “மங்காத்தாவில் இருந்து ஒவ்வொரு முறையும் அஜித் சாரின் படங்கள் குறித்து அறிவிப்பு வெளியாகும்போது, நான் அதில் நடிப்பதாக நினைத்தேன்” என தெரிவித்துள்ளார்.
தற்போது, ரசிகர்கள் பிரசன்னாவிடம் “இந்த தகவல் உண்மையா?” என கேள்வி எழுப்பி வந்தனர். அதற்கான பதிலில், “நிறைய வாய்ப்பு கை நழுவிப் போனது, ஆனால் இம்முறை நான் குட் பேட் அக்லி படத்தில் நடிக்கிறேன்” என அவர் கூறினார்.
