பிரபாஸ் நடிக்கும் படம் ‘தி ராஜா சாப்’. இது மாருதி இயக்கிய காதல் ஹாரர் நகைச்சுவை படம். தெலுங்கு, தமிழ் மற்றும் இந்தி மொழிகளில் உருவாகியுள்ள இந்தப் படத்தில் மாளவிகா மோகனன், நிதி அகர்வால், ரித்தி குமார் மற்றும் பலர் முக்கிய வேடங்களில் நடித்துள்ளனர்.
கார்த்திக் பழனி ஒளிப்பதிவு செய்கிறார், தமன் இந்த படத்திற்கு இசையமைத்துள்ளார். படக்குழு அதன் டிரெய்லரை வெளியிட்டுள்ளது. டிரெய்லர் எப்படி இருக்கிறது? – மூன்றரை நிமிடங்களுக்கு மேல் ஓடினாலும் கதை என்னவென்று யூகிக்க முடியாத அளவுக்கு டிரெய்லரை வெளியிட்டுள்ளது படக்குழு.
நகைச்சுவை திகில் படங்கள் பெரிய அளவில் வெளியாகாத நேரத்தில் பிரபாஸ் துணிச்சலாக இதுபோன்ற கதையைத் தேர்ந்தெடுத்துள்ளார். ‘பாகுபலி’ படத்திற்குப் பிறகு அகில இந்திய வெற்றிக்காகக் காத்திருக்கும் அவருக்கு இந்தப் படம் அதைச் சாத்தியமாக்கும் என்று நம்பலாம்.
இந்தப் படம் நகைச்சுவை, காதல், ஆக்ஷன் மற்றும் திகில் ஆகியவற்றை இணைத்து ஒரு குடும்ப பொழுதுபோக்காக உருவாக்கப்பட்டுள்ளது. திரைக்கதையின் அந்த ஒற்றை மந்திரமும் உண்மையாகிவிட்டால், படத்தின் வெற்றி உறுதி. படம் ஜனவரி 10-ம் தேதி வெளியாகும்.
