ஷார்ஜா: ஐக்கிய அரபு அமீரகத்தில் 43-வது ஷார்ஜா சர்வதேச புத்தகக் கண்காட்சி நடந்து வருகிறது. இதில் இசையமைப்பாளர் இளையராஜா கலந்து கொண்டார். புகழ்பெற்ற இசைஞானி இளையராஜாவின் இசைப் பயணம்’ என்ற தலைப்பில் நிகழ்ச்சி நடைபெற்றது. இதில் கலந்து கொண்ட இளையராஜா, மலையாள சினிமாவில் இசையமைப்பதில் ஆர்வம் உள்ளதாக தெரிவித்தார்.
இதுகுறித்து அவர் கூறும்போது, “கேரளாவில் ஒவ்வொரு வீட்டிலும் ஒரு இசையமைப்பாளர் இருக்கிறார். அதனால்தான் என்னை இசையமைக்க அழைக்கவில்லை என்று நினைக்கிறேன். மலையாளத் திரையுலகம் என்னை அழைத்தால், மீண்டும் மலையாளப் படங்களுக்கு இசையமைக்கத் தயாராக இருக்கிறேன்,” என்றார்.
மேலும் புதிய இசையமைப்பாளர்களிடம் என்ன சொல்ல விரும்புகிறீர்கள் என்று கேட்டபோது, “அவர்கள் தங்கள் சொந்த வழியைக் கண்டுபிடித்து அதை நோக்கி நகர்கிறார்கள். அவர்கள் தங்கள் திறமையை நிரூபிக்கட்டும்” என்றார்.
