சென்னை: தமிழக முதல்வர் ஸ்டாலினின் பேரனும், துணை முதல்வர் உதயநிதி ஸ்டாலினின் மகனுமான இன்பநிதி ஸ்டாலின் தமிழ் சினிமாவில் தயாரிப்பாளராக தனது பயணத்தைத் தொடங்கியுள்ளார். நடிகர் தனுஷ் நடித்துள்ள இட்லி கடை திரைப்படத்தை ரெட் ஜெயன்ட் நிறுவனம் வெளியிட உள்ள நிலையில், இன்பநிதியின் பெயரில் அதனை அறிமுகப்படுத்துவது சிறப்பாகக் கருதப்படுகிறது. இதற்கான அறிவிப்பை நடிகர் தனுஷ் அதிகாரப்பூர்வமாக வெளியிட்டுள்ளார்.
இட்லி கடை திரைப்படத்தில் தனுஷுடன் நித்யா மேனன், அருண் விஜய், பார்த்திபன், ஷாலினி பாண்டே, சமுத்திரகனி, ராஜ்கிரண், இளவரசு உள்ளிட்ட பலர் நடித்துள்ளனர். இசையமைப்பாளராக ஜி.வி.பிரகாஷ் பணியாற்றியுள்ளார். இந்த படத்தை டான் பிக்சர்ஸ் சார்பில் ஆதித்யா பாஸ்கரன் தயாரித்துள்ளார். ரசிகர்கள் எதிர்பார்த்து காத்திருக்கும் இந்த படம் அக்டோபர் 1ஆம் தேதி திரையரங்குகளில் வெளியாக இருக்கிறது.
இந்த திரைப்படத்தின் வெளியீட்டு உரிமையை ரெட் ஜெயன்ட் நிறுவனம் பெற்றுள்ளது. அதன் மூலம், உதயநிதி ஸ்டாலின் மகனான இன்பநிதி ஸ்டாலின் பெயரில் படம் வெளியிடப்பட உள்ளது. இதற்கான போஸ்டர் அறிவிப்பு வெளியாகியுள்ளதுடன், தனுஷ் தனது எக்ஸ் பக்கத்தில் இதனை பகிர்ந்து, புதிய பயணத்தைத் தொடங்கும் இன்பநிதிக்கு வாழ்த்துக்களைத் தெரிவித்துள்ளார்.
தமிழ் சினிமாவில் அரசியல் குடும்பத்தினரின் பங்குபற்றுதல் புதியதல்ல என்றாலும், இன்பநிதி தயாரிப்பாளராக அறிமுகமாகுவது தனித்துவம் வாய்ந்ததாக ரசிகர்களும் விமர்சகர்களும் கருதுகின்றனர். தனுஷ் மற்றும் ரெட் ஜெயன்ட் இணைப்பு காரணமாக, இட்லி கடை திரைப்படம் ரசிகர்களிடம் பெரும் வரவேற்பைப் பெறும் என எதிர்பார்க்கப்படுகிறது. இன்பநிதியின் இந்த முதல் முயற்சி அவரை தமிழ் சினிமா தயாரிப்பில் வெற்றிக்கு வழிவகுக்கும் என்று அனைவரும் நம்புகின்றனர்.
