கேரளா: பிரபல நடிகர் ஜெயராமின் மகன் காளிதாஸ் ஜெயராம். குழந்தை நட்சத்திரமாக சினிமாவில் அறிமுகமான இவர் தனது முதல் படத்திலேயே தேசிய விருது பெற்றார். பின்னர் ‘மீன் குழம்பும் மண் பானையும்’ படத்தின் மூலம் ஹீரோவாக அறிமுகமானார். பா.ரஞ்சித் இயக்கிய ‘நட்சத்திரம் நகர்கிறது’, கமலின் ‘விக்ரம்’ உள்ளிட்ட சில படங்களில் நடித்துள்ள இவர், பிரபல மாடல் அழகி தாரிணி காலிங்கராயரை காதலித்து வந்தார்.
இவர்களது நிச்சயதார்த்தம் கடந்த ஆண்டு பெற்றோர் சம்மதத்துடன் நடந்தது. அவர்களின் நெருங்கிய உறவினர்களான அபர்ணா பாலமுரளி, இயக்குனர் சுதா கொங்கரா மற்றும் திரையுலக பிரபலங்களும் இந்த விழாவில் கலந்து கொண்டனர். இந்நிலையில், காளிதாஸ் ஜெயராம் – தாரிணி காலிங்கராயன் திருமணம் இன்று கேரளாவில் உள்ள குருவாயூர் கோவிலில் நடந்தது.
நடிகரும் அரசியல்வாதியுமான சுரேஷ் கோபி, கேரள பொதுப்பணி மற்றும் சுற்றுலாத்துறை அமைச்சர் பி.ஏ. முகமது ரியாஸ் மற்றும் அவரது மனைவி டி.வீணா மற்றும் திரையுலகைச் சேர்ந்த பலர் விழாவில் கலந்து கொண்டனர்.
