மணிரத்னம் இயக்கிய ‘நாயகன்’ படத்திற்குப் பிறகு, கமல்ஹாசன் ‘தக் லைஃப்’ படத்தில் நடித்துள்ளார். இதில் சிலம்பரசன், த்ரிஷா, அபிராமி, அசோக் செல்வன், நாசர், ஐஸ்வர்யா லட்சுமி மற்றும் பலர் நடிக்கின்றனர். ஏ.ஆர்.ரஹ்மான் இசையமைத்துள்ளார். ரவி கே. சந்திரன் ஒளிப்பதிவு செய்துள்ளார். ஜூன் 5-ம் தேதி வெளியாகும் இந்தப் படத்தின் டிரெய்லர் சமீபத்தில் வெளியிடப்பட்டது.
படத்தின் டிஜிட்டல் உரிமையை நெட்ஃபிக்ஸ் பெற்றுள்ளது. படத்தின் விளம்பரப் பணிகள் முழுவீச்சில் நடைபெற்று வருகின்றன. மும்பையில் நடைபெற்ற விளம்பர நிகழ்வில் கமல்ஹாசன், மணிரத்னம், ஏ.ஆர்.ரஹ்மான் மற்றும் படக்குழுவினர் பங்கேற்றனர். பின்னர் கமல் கூறியதாவது:- “தக் லைஃப் 8 வாரங்களுக்குப் பிறகு ஓடிடி-ல் வெளியிடப்படும். இது ஒரு பரிசோதனை கூட அல்ல. இது ஒரு நடைமுறை விஷயம். ஓடிடி தளம் இந்த நிபந்தனைக்கு ஒப்புக்கொண்டதில் நான் மகிழ்ச்சியடைகிறேன். நாங்கள் ஒன்றாக அமர்ந்து பேசினோம்.
இது ஒரு விவாதம் மட்டுமல்ல. இது ஒரு திட்டமாக இருக்கலாம். ஒருவேளை மற்றவர்கள் இதைப் பின்பற்றலாம். இது சினிமா துறையை ஆரோக்கியமாக்கும். அந்த வாய்ப்பை முதலில் பயன்படுத்திக் கொண்டதில் நாங்கள் மகிழ்ச்சியடைகிறோம்,” என்று கமல் கூறினார். மணிரத்னத்துடனான தனது நட்பைப் பற்றிப் பேசுகையில், கமல், “மணிரத்னம் பற்றிய எனது முதல் அபிப்ராயம் என்னவென்றால், அவரை எனது பகுதியில் வசிக்கும் ஒரு நண்பராக நான் அறிந்திருந்தேன். அவர் ஒரு திரைப்படக் குடும்பத்தைச் சேர்ந்தவர் என்பது கூட எனக்குத் தெரியாது. அவர் பேசிய விதம் எனக்குப் பிடித்திருந்தது. நாங்கள் நண்பர்களானோம். எங்களுக்கு ஒரு நண்பர்கள் குழு இருந்தது. நாங்கள் சினிமாவைப் பற்றி மட்டுமே பேசினோம், எங்களுக்கு இடையே எந்த கிசுகிசுவும் இருக்காது. அதுதான் ஆரம்பம்” என்றார்.
