சென்னை: சிம்பு, த்ரிஷா, அபிராமி, கவுதம் கார்த்திக், ஜோஜு ஜார்ஜ், ஐஸ்வர்யா லட்சுமி உள்ளிட்டோர் நடிக்கின்றனர். ஏ.ஆர்.ரஹ்மான் இசையமைத்துள்ள இந்த படத்திற்கு ரவி கே.சந்திரன் ஒளிப்பதிவு செய்கிறார். இதில் கமல்ஹாசன் 3 வேடங்களில் நடிக்கிறார்.
ராஜ்கமல் ஃபிலிம்ஸ் இன்டர்நேஷனல், மெட்ராஸ் டாக்கீஸ் மற்றும் ரெட் ஜெயண்ட் மூவிஸ் ஆகிய நிறுவனங்கள் தயாரித்துள்ளன. இந்த படத்தின் படப்பிடிப்பு சமீபத்தில் முடிவடைந்தது. இதையடுத்து போஸ்ட் புரொடக்ஷன் பணிகள் நடந்து வருகிறது. இந்நிலையில் கமல்ஹாசனின் பிறந்தநாளை முன்னிட்டு படக்குழு நேற்று டீசரை வெளியிட்டுள்ளது.
சுமார் 44 வினாடிகள் இயக்க நேரத்துடன், இந்த வீடியோ படத்தின் தயாரிப்பை எடுத்துக்காட்டுகிறது. இதில் இசை, காட்சியமைப்பு, ஒளிப்பதிவு, சண்டைக்காட்சிகள் போன்றவை இடம்பெற்றுள்ளன. படத்தில் பல நடிகர்கள் இருந்தாலும், டீசரில் இடம்பெற்றுள்ள காட்சிகளில் கமல்ஹாசனும் சிம்புவும் தோன்றுகின்றனர். கமல்ஹாசன் இரண்டு கெட்-அப்களில் வருகிறார். மேலும் இப்படம் அடுத்த ஆண்டு ஜூன் 5-ம் தேதி வெளியாகும் என்றும் அறிவித்துள்ளது.
