சிம்லா: நடிகையும், பாஜக எம்.பி.யுமான கங்கனா ரனாவத், கடைசியாக எமர்ஜென்சி படத்தை இயக்கி நடித்தவர், தற்போது மாதவனுடன் பெயரிடப்படாத படத்தில் நடித்து வருகிறார். இதற்கிடையில், தனது அரசியல் பணிகளையும் கவனித்து வரும் அவர், இமாச்சல பிரதேசத்தின் மண்டி பகுதியில் நடந்த அரசியல் நிகழ்வில், தனது வீட்டிற்கு ரூ. 1 லட்சம் மின்சாரக் கட்டணம் வந்துள்ளதாகக் கூறினார்.
மணாலியில் உள்ள எனது வீட்டிற்கு இந்த மாதம் ரூ.1 லட்சம் மின்கட்டணம் வந்துள்ளது, நான் அங்கு வசிக்கவே இல்லை, அங்கு நடப்பதைப் பார்க்க வெட்கமாக இருக்கிறது, இந்த நாட்டையும், மாநிலத்தையும் முன்னேற்றப் பாதையில் கொண்டு செல்வது நம் அனைவரின் கடமை.
இமாச்சலப் பிரதேசத்தை ஆளும் காங்கிரஸ் அரசை ஓநாய்கள் என்றும், அவர்களின் கைகளில் இருந்து மாநிலம் காப்பாற்றப்பட வேண்டும் என்றும் கங்கனா ரனாவத் கூறினார். இவர் மண்டி தொகுதியின் நாடாளுமன்ற உறுப்பினர் என்பது குறிப்பிடத்தக்கது.
