மொத்த வசூலே இவ்வளவுதானா? அதிர்ச்சியில் ஆழ்த்திய கங்குவா

சென்னை: கங்குவா படத்தின் மொத்த வசூலே ரூ.115 கோடி என்று தகவல்கள் வெளியாகி உள்ளது.

தமிழ் சினிமா ரசிகர்கள் இந்த வருடத்தில் பெரிதும் எதிர்ப்பார்த்த ஒரு திரைப்படம் சூர்யாவின் கங்குவா. சிவா இயக்கத்தில் சூர்யா, திஷா பதானி, பாபி தியோல் என ஏகப்பட்ட கலைஞர்கள் நடிப்பில் கடந்த நவம்பர் 14ம் தேதி வெளியாக ரசிகர்கள் ஆவலாக எதிர்பார்த்தனர்.

ஆனால் படம் குறித்து நிறைய எதிர்மறை விமர்சனம் வந்தது. இதனால் ரசிகர்கள் கடும் சோகத்தில் ஆழ்ந்தனர். திரையரங்குகளில் படம் வசூலில் சக்கை போடு போடும் என பார்த்தால் படத்திற்கு வந்த மோசமான விமர்சனங்களால் வசூல் பெரிய அளவில் பாதிக்கப்பட்டு விட்டது.

வரும் டிசம்பர் 12ம் தேதி இப்படம் ஓடிடியில் வெளியாக இருக்கிறது. பெரிய எதிர்ப்பார்ப்புடன் வெளியான இப்படம் மொத்தமாக ரூ. 115 கோடி வரை மட்டுமே வசூலித்துள்ளதாக தெரிகிறது.