நடிகரும் தயாரிப்பாளருமான விஷ்ணு விஷால் தனது மனைவி ஜுவாலா கட்டா தொடர்பான உணர்வுபூர்வமான தகவல்களை பகிர்ந்துள்ளார். ஜுவாலா கட்டாவுக்கு சமீபத்தில் பிறந்த பெண் குழந்தைக்கு “மிரா” என பெயர் சூட்டிய விழா ஹைதராபாத்தில் நடைபெற்றது. இதில் கலந்து கொண்ட பாலிவுட் நடிகர் ஆமீர் கான் தான் குழந்தைக்கு பெயர் சூட்டினார், என்பதோடு குழந்தையை ஏந்தியபடி நிற்கும் புகைப்படங்கள் இன்ஸ்டாகிராமில் வைரலானது.
ஆமீர் கான் ஏன் பெயர் வைத்தார் எனக் கேள்விகள் எழுந்த நிலையில், விஷ்ணு விஷால் தனது நெஞ்சை திறந்துள்ளார். சென்னையில் ஏற்பட்ட வெள்ளத்தின் போது ஆமீர் கான் மற்றும் விஷ்ணு விஷால் ஒரே இடத்தில் தங்கியிருந்தபோது ஏற்பட்ட நட்பு, ஒரு முக்கியமான மோசமான கட்டத்தில் அவர்களுக்கு மிகப்பெரிய தாங்குதலாக மாறியுள்ளது.
ஜுவாலா கட்டா தாயாக முயற்சி செய்த IVF முறைகள் பலமுறை தோல்வியடைந்ததால் மன உளைச்சலுக்கு உள்ளாகியிருந்தார். அந்த வேளையில் ஆமீர் கான் தான் நம்பிக்கையை இழக்க வேண்டாம் என உறுதிப்படுத்தி, மும்பையில் தங்கி சிகிச்சை செய்ய உதவி செய்துள்ளார். இச்சிகிச்சை வெற்றியடைந்ததால், ஜுவாலா கட்டா 10 மாதங்கள் நேரடியாக ஆமீர் கானின் வீட்டில் தங்கி இருந்தார். அந்தக் காலத்தில் அவரை ஆமீரின் குடும்பமே பாதுகாத்ததாக கூறப்படுகிறது.
இந்த நெருக்கமான அனுபவம் மற்றும் ஆதரவை நினைத்தவுடன் ஆமீர் கானுக்கு நன்றிக்கடன் உள்ளதாக விஷ்ணு விஷால் உணர்ச்சிபூர்வமாக தெரிவித்துள்ளார். தனது மகளுக்கு அவர் பெயர் வைக்க வேண்டும் என கேட்டபோதும், அது ஒரு உண்மையான நன்றியுணர்வின் வெளிப்பாடு எனக் கூறுகிறார்.
பெயர்சூட்டு விழாவில் ஜுவாலா கட்டா கண்களில் கண்ணீர் விட்டபோது, அது ஆனந்த கண்ணீர் மட்டுமல்ல, தாயாக துன்பப்பட்ட காலத்தின் நினைவுகளால் வந்த உணர்ச்சிக் கண்ணீர் என்பதும் தற்போது ரசிகர்களுக்குத் தெரிந்துள்ளது.
விஷ்ணு விஷால் கூறும் இந்த கதைகள் பலரது மனதை தொட்டுள்ளது. ஆமீர் கான் போல ஒரு நட்பும் மனிதநேயமும் கொண்ட நட்சத்திரம் உண்மையில் பாசத்தால் நிறைந்தவர் என்பதற்கே இது ஒரு சாட்சியமாக உள்ளது.
