‘லோகா அத்தியாயம் 1: சந்திரா’ என்பது துல்கர் சல்மான் தயாரித்த படம். மோகன்லால் நடித்த ‘ஹ்ருதய பூர்வம்’ மற்றும் ஃபஹத் பாசில் நடித்த ‘ஓடும் குதிர சாதும் குதிர’ ஆகிய படங்கள் ஓணம் பண்டிகையை முன்னிட்டு வெளியிடப்பட்டன. இவற்றில், மற்ற இரண்டு படங்களை விட ‘லோகா’ மக்களிடமிருந்து பெரும் வரவேற்பைப் பெற்றுள்ளது.
முதல் நாளில் 250 திரையரங்குகளில் வெளியான ‘லோகா’, அடுத்த நாளிலிருந்து 325 திரையரங்குகளாக அதிகரிக்கப்பட்டுள்ளது. இதன் காரணமாக, படக்குழு மிகவும் உற்சாகமாக உள்ளது. வரும் நாட்களில் அதிக திரையரங்குகள் மற்றும் காட்சிகள் அதிகரிக்கும் என்று அவர்கள் நம்பிக்கையுடன் உள்ளனர்.
இந்த வரவேற்பின் காரணமாக, இது மற்ற மொழிகளிலும் டப்பிங் செய்யப்படும். ‘லோகா’ படத்தின் தமிழக உரிமையை ஏஜிஎஸ் நிறுவனம் கைப்பற்றியுள்ளது. தமிழகத்திலும் இன்று முதல் வெளியாகியுள்ளது. இந்திய சினிமாவின் முதல் பெண் சூப்பர் ஹீரோ படம் இதுவாகும். டொமினிக் அருண் எழுதி இயக்கிய இதில் கல்யாணி பிரியதர்ஷன் சூப்பர் ஹீரோவாக நடித்துள்ளார்.
‘பிரேமலு’ நஸ்லன், சந்து சலீம் குமார், அருண் குரியன், சாந்தி பாலச்சந்திரன் மற்றும் பலர் முக்கிய வேடங்களில் நடிக்கின்றனர். இப்படத்திற்கு நிமிஷ் ரவி ஒளிப்பதிவு செய்துள்ளார், ஜேக்ஸ் பீஜோய் இசையமைத்துள்ளார்.
