ரியோவின் ‘ஆண் பாவம் பொல்லாதது’ படத்தின் ஃபர்ஸ்ட் லுக்கை படக்குழு வெளியிட்டுள்ளது. ரியோ ராஜ் நடிக்கும் புதிய படத்துக்கு ‘ஆண் பாவம் பொல்லாதது’ என்று தலைப்பு வைக்கப்பட்டுள்ளது. இதன் ஃபர்ஸ்ட் லுக் போஸ்டர் இணையத்தில் பெரும் வரவேற்பை பெற்றது. இதனை லோகேஷ் கனகராஜ் மற்றும் விஜய் சேதுபதி இணைந்து வெளியிட்டுள்ளனர். இப்படத்தின் படப்பிடிப்பு முடிவடைந்து இறுதிக்கட்ட பணிகள் நடைபெற்று வருகின்றன.
‘ஆண் பாவம் பொல்லாதது’ எஸ்.சக்திவேல் தயாரிக்கிறார். இதை அறிமுக இயக்குனர் கலையரசன் தங்கவேல் இயக்குகிறார். கதாநாயகியாக மாளவிகா மனோஜ் நடிக்கிறார். மாதேஷ் மாணிக்கம் ஒளிப்பதிவாளராக பணியாற்ற, சித்து குமார் இசையமைத்துள்ளார். காதலை மையமாக வைத்து இன்றைய இளைஞர்களை கவரும் வகையில் படத்தின் திரைக்கதையை வடிவமைத்துள்ளனர் படக்குழு. இப்படத்திற்கு முன்னதாக யுவனின் ‘ஸ்வீட் ஹார்ட்’ படத்தில் ரியோ நடிக்கவுள்ளார். மார்ச் 14-ம் தேதி வெளியாகும் இப்படத்தின் தமிழக உரிமையை ஃபைவ் ஸ்டார் செந்தில் வாங்கியுள்ளார்.
