கடந்த மே மாதம், பிரசாந்த் பாண்டியராஜ் இயக்கத்தில் சூரி நடித்த ‘மாமன்’ திரைப்படம் திரையரங்குகளில் வெளியானது. பேமிலி ஆடியன்ஸை குறிவைத்து உருவாக்கப்பட்ட இப்படம், நேர்த்தியான கதைக்களத்தால் பாராட்டுகள் பெற்றது. ரசிகர்கள் மத்தியில் சிறப்பான வரவேற்பையும், வசூலில் ரூ.40 கோடிக்கு மேல் சாதனையையும் படைத்த இப்படம், நீண்ட நாட்களாக ஓடிடி வெளியீட்டிற்காக காத்திருக்கின்ற சூழலில் தற்போது அதிகாரப்பூர்வ அறிவிப்புடன் திரும்பியுள்ளது.
திரையரங்குகளில் வெளியாகி இரண்டு மாதங்கள் கடந்த பிறகும், ‘மாமன்’ ஓடிடி ரிலீஸ் குறித்து எந்த தகவலும் வெளியாகாதது ரசிகர்களிடையே கேள்விகளை எழுப்பியது. தற்போது ஜீ தமிழ் தொலைக்காட்சி மற்றும் ஜீ5 ஓடிடி தளத்தில் ஆகஸ்ட் 8 ஆம் தேதி இப்படம் வெளியாகும் என உறுதியாக அறிவிக்கப்பட்டுள்ளது. சாட்டிலைட் உரிமை மற்றும் ஓடிடி ஒரே நேரத்தில் வெளியாகும் தீர்மானத்தால் தான் இந்த தாமதம் ஏற்பட்டதாகவும் கூறப்படுகிறது.
இப்படத்தில் சூரி மாமனாகவும், அவரது அக்காவாக ஸ்வாசிகா மற்றும் மனைவியாக ஐஸ்வர்யா லட்சுமியும் நடித்துள்ளனர். குடும்ப பாச பிணைப்பை மையமாகக் கொண்டு உருவாக்கப்பட்ட இப்படத்தில், ராஜ்கிரண், விஜி சந்திரசேகர், பாபா பாஸ்கர், பால சரவணன் மற்றும் பலரும் சிறப்பாக நடித்துள்ளனர். இயக்குநர் பிரசாந்த் பாண்டியராஜ், இது தனது மனதுக்கு நெருக்கமான படம் எனவும், உலகம் முழுவதும் உள்ள ரசிகர்கள் ஜீ5 வாயிலாக படத்தை அனுபவிப்பார்கள் என நம்புகிறேன் எனவும் தெரிவித்துள்ளார்.
‘விருதலை’, ‘கொட்டுக்காளி’, ‘கருடன்’ போன்ற படங்களின் தொடர்ச்சியாக, ‘மாமன்’ வெற்றியின் மூலம் சூரி ஒரு வணிக ஹீரோவாக தன்னை நிரூபித்துள்ளார். தற்போது அவர் நடித்து வரும் ‘மண்டாடி’ என்ற படம் மகிமா நம்பியார் மற்றும் சத்யராஜ் நடிப்பில் உருவாகி வருகிறது. ஆக்ஷன் மற்றும் உணர்ச்சி கலந்து உருவாகும் இந்தப் படம் மீண்டும் ஒரு மாறுபட்ட கேரக்டரில் சூரியை காட்டும் என எதிர்பார்க்கப்படுகிறது.
