நடிகர் நாகேஷின் பேரன் கஜேஷ் நாகேஷ் கதாநாயகனாக நடிக்கும் படம் ‘உருட்டு உருட்டு’. ரித்விகா ஸ்ரேயா கதாநாயகியாக நடிக்கிறார். ராஜேந்திரன், அஸ்மிதா, ஹேமா சின்னாலம்பட்டி சுகி, பாவா லட்சுமணன், சேரன் ராஜ், மிப்பு ஆகியோர் முக்கிய வேடங்களில் நடிக்கின்றனர்.
சாய் காவ்யா மற்றும் சாய் கைலாஷ் பாடல்களை வழங்க, ஜெய் ஸ்டுடியோ கிரியேஷன்ஸ் பேனரில் பத்மராஜு ஜெய்சங்கர் இப்படத்தை தயாரித்துள்ளார். இப்படத்தின் பாடல்களுக்கு அருணகிரி இசையமைத்துள்ளார், பின்னணி இசையை கார்த்திக் கிருஷ்ணன் அமைத்துள்ளார். பாஸ்கர் சதாசிவம் இப்படத்தை எழுதி, ஒளிப்பதிவு செய்து, இயக்கியுள்ளார்.
அவர் கூறும்போது, ”சுமார் 25-30 ஆண்டுகளுக்கு முன், அரசு மருத்துவமனைகளிலும், பொது இடங்களிலும் வெளியான ‘நாம் இருவர் நமக்கு இருவர்’ என்ற விளம்பரம், பின்னர், ‘நாம் இருவர் நமக்கு ஒருவர்’ என மாறியது. தற்போது, ”உனக்கு குழந்தை வேண்டுமா? ”எங்கள் மருத்துவமனைக்கு வாங்க” என்று எங்கும் கருத்தரிப்பு மையங்களை மட்டுமே பார்க்க முடிகிறது. இதற்கான காரணத்தை நகைச்சுவையுடன் விளக்குகிறோம்,” என்றார்.
