எஸ்.எஸ்.முருகராசு இயக்கியுள்ள படம் ‘கடுக்கா’. இதில் விஜய் கௌரி, ஸ்மேகா, ஆதர்ஷ் மதிகாந்த், மஞ்சுநாதன், மணிமேகலை, சுதா மற்றும் பலர் நடித்துள்ளனர். கெவின் டிகோஸ்டா இசையமைத்துள்ள இதற்கு சதீஷ் குமார் துரைக்கண்ணு ஒளிப்பதிவு செய்துள்ளார். விஜய் கௌரி புரொடக்ஷன்ஸ், நியந்த் மீடியா மலர் மாரி மூவிஸ் சார்பில் கவுரி சங்கர் ரவிச்சந்திரன் மற்றும் ஆனந்த் பொன்னுசாமி இணைந்து தயாரிக்கும் இந்தப் படத்தின் டிரைலர் வெளியீட்டு விழா சென்னையில் நடைபெற்றது.
இதில் பேசிய இயக்குநர் பேரரசு, “கடுக்கா ஒரு காய் அல்ல, அது நம்ப வைக்கப்படும் ஒரு ஏமாற்று வேலை. படத்தில் இரண்டு ஹீரோக்கள் உள்ளனர். கதாநாயகி யாருக்கு கடுக்கா கொடுக்கிறார் என்பதுதான் படம். ஆனால் கதாநாயகி உண்மையில் தயாரிப்பாளருக்கு கடுக்கா கொடுத்தார். அவர்கள் கொடுத்த வாய்ப்பில் அவள் கதாநாயகியானாள், எந்த விழாவிற்கும் வரவில்லை.
படத்தின் ஹீரோ விஜய் கௌரிஷ், ‘அட்டகத்தி’ தினேஷை நமக்கு நினைவூட்டுகிறார். அவர் நன்றாக நடிக்கிறார். கடுக்கா பார்வையாளர்களை ஏமாற்றுவதில்லை. சினிமாவில் பல பிரச்சனைகள் உள்ளன. சினிமாவில் இருப்பவர்கள் சினிமா நன்றாக இருக்க வேண்டும் என்று நினைப்பதில்லை, படம் வெற்றி பெற வேண்டும் என்று மட்டுமே நினைக்கிறார்கள்.
சினிமாவை யாரும் காப்பாற்ற விரும்பவில்லை,” என்று அவர் கூறினார். தயாரிப்பாளர்கள் தனஞ்சயன், சி.வி. குமார், இயக்குனர் ஆர்.வி. உதயகுமார், நடிகர் சௌந்தரராஜா மற்றும் படக்குழுவினர் கலந்து கொண்டனர்.
