அதிக எதிர்பார்ப்புடன் இன்று வெளியாகியுள்ள ஹரி ஹர வீர மல்லு படம் தெலுங்கு சினிமா ரசிகர்களிடையே கலவையான வரவேற்பைப் பெற்றிருக்கிறது. ஏ.எம். ரத்னம் தயாரித்துள்ள இந்தப் படம், ஆரம்பத்தில் கிரிஷ் ஜகர்லமுடி இயக்கத்தில் தொடங்கப்பட்டிருந்தாலும், அவர் வெளியேறிய பின் ஜோதி கிருஷ்ணா பூர்த்தி செய்துள்ளார். பல ஆண்டுகளாக விலகி இருந்தது போல இருந்த இந்தப் படம் தற்போது வெளியாகி திரையரங்குகளில் விவாதத்தை கிளப்பியிருக்கிறது.
பவன் கல்யாண், நிதி அகர்வால், பாபி தியோல் மற்றும் சத்யராஜ் நடித்துள்ள இந்த படத்தின் வெளியீட்டை ஒட்டி, சமூக வலைதளங்களில் ரசிகர்கள் பல்வேறு கருத்துகளை பதிவிட்டு வருகின்றனர். பவன் கல்யாணின் ரசிகர்கள் இந்தப் படத்தை பிளாக்பஸ்டர் என புகழ்ந்து வருகிறது. அவரின் ஹேட்டர்ஸ், இது ஒரு டிசாஸ்டர் என விமர்சித்து வருகின்றனர்.
படத்தின் டைட்டில் கார்டே ரசிகர்களை உற்சாகத்தில் ஆழ்த்தியதாக கூறப்படுகிறது. பவன் கல்யாண் ப்ரோமோஷன்களில் கலந்துகொள்வாரா என்பது குறித்து ரசிகர்களிடம் குழப்பம் இருந்த நிலையில், அவர் நேரிலேயே ப்ரீ-ரிலீஸ் மற்றும் மீடியாக்களில் தோன்றி பேசியதால், ரசிகர்கள் உற்சாகமாக FDFS-க்கு திரண்டுள்ளனர்.
சமூக வலைதளங்களில் வைரலாகும் வீடியோக்களில் பவன் கல்யாண் பெயர் திரையில் தோன்றும் போதே ரசிகர்கள் தியேட்டர்களில் கொண்டாட்டத்தை எழுப்பியிருப்பது தெரிகிறது. ஒருவர் தனது விமர்சனத்தில், “வின்டேஜ் பவன் கல்யாண் பீஸ்ட் மோடில் உள்ளார். படம் ஒரு மெகா விருந்து. கண்டிப்பா மிஸ் பண்ணக்கூடாத படம்,” எனக் குறிப்பிட்டுள்ளார்.
உலகளாவிய ரீதியில் படத்திற்கு மிகப்பெரிய வரவேற்பு இல்லையெனினும், டோலிவுட் ரசிகர்களிடையே இப்படம் செம்ம ஹைபை உருவாக்கியுள்ளது. விமர்சனங்கள் இருபுறமாகவும் வந்தாலும், பவன் கல்யாணின் மாஸ் மற்றும் பவுரண்மையான பார்வையை மையமாக வைத்து உருவாக்கப்பட்டிருக்கும் இந்தப் படம், ரசிகர்களுக்கு விருந்தாகவே இருக்கிறது.
