தெலுங்கு சினிமாவின் முன்னணி நடிகரான பவன் கல்யாண், தனது கேரியரில் முதன்முறையாக ‘ஹரி ஹர வீர மல்லு’ என்ற பீரியட் ஆக்ஷன் அட்வென்சர் கதையில் நடித்துள்ளார். தயாரிப்பாளர் ஏ.எம்.ரத்னம், மெகா சூர்யா புரொடக்ஷன்ஸ் மூலம் இந்த படத்தை தயாரித்துள்ளார். கடந்த நான்கு ஆண்டுகளுக்கும் மேல் தயாரிப்பு வேலைகள் நடந்த இந்த படம் இப்போது ரிலீஸ் ஆக இருக்கிறது.
17ஆம் நூற்றாண்டில் நடக்கும் கதை என்பதால், சார்மினார், செங்கோட்டை மற்றும் மச்சிலிப்பட்டினம் துறைமுகம் போன்ற பெரிய செட்களை உருவாக்கி, படம் பிரம்மாண்டமாக அமைக்கப்பட்டுள்ளது. இதில் பாபி தியோல் வில்லனாக நடித்து வருகிறார். சத்யராஜ் மற்றும் நிதி அகர்வால் போன்ற நட்சத்திரங்கள் முக்கிய வேடங்களில் உள்ளனர்.
ரிலீஸ் தேதி பலமுறை மாற்றப்பட்ட நிலையில், கடைசியாக ஜூன் 12 ஆம் தேதி ரிலீஸ் என்று அறிவிக்கப்பட்டது. ஆனாலும் தற்போது கிராஃபிக்ஸ் பணிகள் முழுமையாக முடியாத காரணத்தால் ரிலீஸ் தேதி மீண்டும் தள்ளப்படலாம் என கூறப்படுகிறது. புதிய ரிலீஸ் தேதி ஜூன் 27 அல்லது ஜூலை 4 ஆக இருக்க வாய்ப்பு உள்ளது. ரசிகர்கள் வெளியான அறிவிப்புக்கு காத்திருக்கின்றனர்.
