மும்பையை பூர்வீகமாகக் கொண்ட பூஜா ஹெக்டே, மாடலிங் துறையில் இருந்து வந்தவர். 2012ஆம் ஆண்டு ஜீவாவுடன் மிஷ்கின் இயக்கிய முகமூடி திரைப்படத்தின் மூலம் தமிழில் ஹீரோயினாக அறிமுகமானார். படம் பெரிதாக ஓடாததால், தமிழில் வாய்ப்புகள் குறைந்தபடியே தெலுங்கு மற்றும் ஹிந்தி படங்களில் பிசியாகிப் போனார். தொடர்ந்து பல மொழிகளில் நடித்துக் கொண்டிருந்த பூஜா, விஜய்யுடன் நடித்த பீஸ்ட் படத்தின் மூலம் மீண்டும் தமிழுக்கு திரும்பினார்.
அதனைத் தொடர்ந்து சூர்யாவுடன் ரெட்ரோ திரைப்படத்தில் நடித்தார். படம் தோல்வியடைந்தாலும், அதிலிருந்த “கனிமா” பாடலில் அவர் நடனமாடிய காட்சிகள் சமூக வலைதளங்களில் ட்ரெண்டானது. இதன் மூலம் அவரது மீதான ரசிகர்கள் ஈர்ப்பு அதிகரித்தது. தற்போது அவர் விஜய்யுடன் ஜன நாயகன் திரைப்படத்தில் நடித்துள்ளார். ஹெச்.வினோத் இயக்கிய இப்படம் ஜனவரி 9ஆம் தேதி திரையிடப்பட்டது.
பூஜா தற்போது ஹிந்தி திரையுலகிலும் பிஸியாக உள்ளார். ராதேஷ்யாம், ஹவுஸ்ஃபுல் 4, கிசி கா பாய் கிசி கி ஜான் உள்ளிட்ட படங்களில் நடித்துள்ளார். விரைவில் தேவா என்ற ஹிந்தி படமும் வெளியாகவுள்ளது. மேலும் சில புதிய படங்களில் அவர் ஒப்பந்தமாகியுள்ளதாகவும் செய்திகள் வெளியாகி வருகின்றன.
தமிழில் தற்போது வளர்ச்சி பாதையில் உள்ள பூஜா, ரஜினிகாந்த் நடித்துள்ள கூலி படத்தில் ஒரு பாடலுக்கு நடனமாடியுள்ளார். இதனால் அவர் கோலிவுட்டிலும் அதிக கவர்ஜ் பெறத் தொடங்கியிருக்கிறார். இன்னும் சில தமிழ் படங்களில் கமிட்டாகியிருக்கிறார் என்றும், இவரால் தமிழில் ஒரு நிலையான இடத்தைப் பிடிக்கலாம் என்றும் சினிமா வட்டாரத்தில் பேசப்படுகிறது.
இந்நிலையில், பூஜா ஹெக்டே மும்பை ஏர்போர்ட்டில் உள்ள வீடியோ ஒன்று சமூக வலைதளங்களில் வைரலாகியுள்ளது. அதில் அவர் வைத்திருந்த ஹேண்ட்பேக் பற்றி ரசிகர்கள் பெரும் ஆச்சரியத்தில் உள்ளனர். அந்த ஹேண்ட்பேக் இரண்டு லட்சம் ரூபாய் மதிப்புடையது என தகவல் வெளியாகியுள்ளது. இந்த வீடியோ மற்றும் தகவல் இணையத்தில் பரவ, “இவ்வளவு காசு ஒரு பேக்குக்கு?” என ரசிகர்கள் வியப்புடன் கருத்து தெரிவித்து வருகின்றனர்.
