சென்னை: பிரபாஸ் நடித்துள்ள ‘கல்கி 2898 ஏ.டி’ படத்தின் முதல் வீடியோ பாடல் வெளியாகியுள்ளது.
பிரபாஸ் நடிப்பில் வெளியான திரைப்படம் ‘கல்கி 2898 ஏ.டி’.நடிகர்கள் பிரபாஸ், கமல்ஹாசன், அமிதாப் பச்சன் இணைந்து இப்படத்தில் நடித்துள்ளதால், ரசிகர்கள் மத்தியில் இப்படத்தின் மீது மிகுந்த எதிர்பார்ப்பு எழுந்தது.
இப்படத்தின் கதை 6000 ஆண்டுகள் நடக்கும் விஷயங்களை பேசுவதாக இயக்குநர் நாக் அஸ்வின் கூறியிருந்தார். படம் ரூ.600 கோடிக்கும் அதிகமான பட்ஜெட்டில் பிரமாண்டமாக உருவாகியுள்ளது. கமல்ஹாசன் வில்லனாக நடித்துள்ளார்.
நாக் அஸ்வின் இயக்கியுள்ள இப்படத்திற்கு சந்தோஷ் நாராயணன் இசையமைத்துள்ளார். இந்தப் படம் கடந்த 27ம் தேதி திரையரங்குகளில் வெளியாகி வரவேற்பை பெற்றது. முக்கியமாக, படத்தில் இடம்பெற்ற கிராபிக்ஸ் காட்சிகளும் கமல்ஹாசனின் தோற்றமும் பெரிதும் பாராட்டுகளைப் பெற்று வருகின்றன.
இந்த நிலையில் ‘கல்கி 2898 ஏ.டி’ படத்தில் இடம்பெற்றுள்ள பாடலின் வீடியோவை படக்குழு வெளியிட்டுள்ளது.
