சென்னை: கேம்சேஞ்சர் படத்தின் ப்ரீ ரிலீஸ் நிகழ்ச்சி சில நாட்களில் நடைபெறவுள்ள நிலையில் தயாரிப்பாளர் தில்ராஜு துணை முதல்வரான பவன் கல்யாணை நேரில் சந்தித்து நிகழ்ச்சிக்கு அழைத்துள்ளார்.
தமிழின் முன்னணி இயக்குநர் ஷங்கர் இயக்கத்தில் கேம் சேஞ்சர் என்ற படத்தில் ராம் சரண் நடித்துள்ளார். இயக்குநர் கார்த்திக் சுப்பராஜ் இப்படத்தின் கதையை எழுதியுள்ளார்.
இப்படத்தில் கியாரா அத்வானி, அஞ்சலி, எஸ்.ஜே. சூர்யா, சமுத்திரக்கனி, நாசர் மற்றும் பலர் முன்னணி கதாபாத்திரங்களில் நடித்துள்ளனர். தமன் இந்த படத்திற்கு இசையமைக்க, ஒளிப்பதிவு பணிகளைத் திருநாவுக்கரசு மேற்கொண்டுள்ளார்.
கேம் சேஞ்சர் படத்தின் “ஜரகண்டி” மற்றும் ‘ரா மச்சா மச்சா’ பாடல்கள் மக்களிடையே நல்ல வரவேற்பைப் பெற்றது.
இந்நிலையில், இத்திரைப்படத்தின் 4வது சிங்கிளான ‘தொப் {Dhop}’ கடந்த வாரம் வெளியாகி மக்களிடையே நல்ல வரவேற்பை பெற்றது. இத்திரைப்படம் பொங்கலை முன்னிட்டு அடுத்தாண்டு ஜனவரி 10 ஆம் தேதி திரையரங்குகளில் வெளியாகவுள்ளது. படத்தின் ப்ரோமோஷன் பணிகள் தீவிரமாக நடைபெற்று வருகிறது.
இந்நிலையில் நேற்று ரசிகர்கள் ராம் சரணுக்கு 256 அடிக்கு கட் அவுட் வைத்தனர். படத்தின் ப்ரீ ரிலீஸ் நிகழ்ச்சியில் சில நாட்களில் நடைப்பெறவுள்ள நிலையில் தயாரிப்பாளரான தில்ராஜு ஆந்திராவின் துணை முதல்வரான பவன் கல்யாணை நேரில் சந்தித்து இந்நிகழ்ச்சிக்கு அழைத்துள்ளார். அப்பொழுது எடுத்துக்கொண்ட புகைப்படம் இணையத்தில் தற்பொழுது வைரலாகி வருகிறது.
