எச்.வினோத் இயக்கத்தில் விஜய் நடிக்கும் படத்தின் படப்பிடிப்பு இன்று (அக்.5) முதல் சென்னையில் தொடங்குகிறது. இதில் ஒரு பாடல் காட்சி படமாக்கப்படவுள்ளது.
இந்த படத்தின் பூஜை நேற்று கோலாகலமாக நடைபெற்றது. இதில் படக்குழுவினருடன் திரையுலக பிரபலங்களும் கலந்து கொண்டனர். அதில் தயாரிப்பாளர் அம்மா கிரியேஷன்ஸ் சிவாவும் ஒருவர்.
விஜய்க்கு ‘தி கோட்’ பொறித்த தங்க மோதிரத்தை பரிசாக அளித்தார். இதை விஜய் அணிந்திருக்கும் புகைப்படம் இணையத்தில் வைரலானது. ‘தி கோட்’ படத்தில் விஜய்யுடன் இணைந்து தயாரிப்பாளர் சிவா சிறிய வேடத்தில் நடித்திருந்தார் என்பது குறிப்பிடத்தக்கது.
விஜய்க்கு ‘தி கோட்’ மோதிரம் பரிசளித்தது குறித்து பேசிய சிவா, “தி கோட்’ படத்தின் ஷேர் 100 கோடியைத் தாண்டியது மகிழ்ச்சியான செய்தி! அந்த மோதிரத்தை பரிசாக ஏற்றுக்கொண்டதற்கு நன்றி, குழந்தை போல் உற்சாகத்துடன் ஏற்றுக்கொண்டது மகிழ்ச்சியையும் பாராட்டுகளையும் தெரிவிக்கிறது.
இந்த மைல்கல்லுக்கு வாழ்த்துக்கள், தளபதி விஜய் அவர்களுக்கு என்று தெரிவித்துள்ளார்.
