ஐதராபாத்: புஷ்பா 2 படம் வரும் 30ம் தேதி ஓடிடி தளமான நெட்பிளிக்ஸ் ஓடிடி தளத்தில் வெளியாகவுள்ளது என்று தெரிவிக்கப்பட்டுள்ளது.
இயக்குநர் சுகுமார் மற்றும் நடிகர் அல்லு அர்ஜுன் கூட்டணியில் உருவாகி வெளியான திரைப்படம் ‘புஷ்பா 2 தி ரூல்’. இந்த படத்தில் ராஷ்மிகா மந்தனா, ஃபகத் ஃபாசில் உட்பட பலர் நடித்துள்ளனர்.
பான் இந்தியா வெளியீடாகத் தமிழ், இந்தி, மலையாளம், கன்னட மொழிகளில் கடந்த டிசம்பர் 5 ஆம் தேதி வெளியாகி ரசிகர்களிடையே நல்ல வரவேற்பை பெற்றது. ‘புஷ்பா 2’ முதல் நாள் வசூலாக 294 கோடி ரூபாய் வசூல் செய்தது, இதுவரை இந்திய சினிமாவில் முதல் நாள் வசூலித்தது இப்படத்தின் வசூலே அதிகமாகும்.
இந்தியாவில் வெளியான படங்களில் மிக குறுகிய காலக்கட்டத்தில் ரூ. 1000 கோடி வசூல் செய்த படமாக புஷ்பா 2 உருவெடுத்தது. இந்த நிலையில், படம் வெளியான 32 நாட்களில் ரூ. 1831 கோடியை வசூல் செய்தது. இந்நிலையில் படத்தின் ஓடிடி ரிலீஸ் தேதியை படக்குழு வெளியிட்டுள்ளது.
திரைப்படம் வரும் 30 ஆம் தேதி பிரபல ஓடிடி தளமான நெட்பிளிக்ஸ் ஓடிடி தளத்தில் வெளியாகவுள்ளது. நெட்பிளிக்ஸில் புஷ்பா 2 ரீலோடட் வெர்ஷன் தமிழ், தெலுங்கு, மலையாளம், கன்னடம் ஆகிய மொழிகளில் வெளியாக உள்ளது. திரைப்படத்தின் நேர அளவு 3 மணி நேரம் 44 நிமிடங்கள் என்பது குறிப்பிடத்தக்கது.
