‘கங்குவா’ படத்தை விளம்பரப்படுத்தும் நிகழ்ச்சி ஹைதராபாத்தில் நடைபெற்றது. இதில் படக்குழுவினர் தவிர இயக்குனர் ராஜமெளலி, இயக்குனர் போயபட்டி சீனு, சித்து, விஷ்வாக் சென், தயாரிப்பாளர் அல்லு அரவிந்த் உள்பட பலர் கலந்து கொண்டனர். இந்நிகழ்ச்சியில் பேசிய ராஜமெளலி, “பான் இந்தியா படங்களைத் தயாரிக்க சூர்யாதான் எங்களைத் தூண்டினார்.
‘கஜினி’ படத்தின் போது சூர்யா ஆந்திராவுக்கு வந்து விளம்பரப்படுத்திய விதம் பிரமிக்க வைக்கிறது. இது இங்குள்ள இயக்குனர்கள், நடிகர்கள், தயாரிப்பாளர்கள் அனைவருக்கும் பாடமாக இருந்தது. அதுவே என்னை ஊக்கப்படுத்தியது,” என்றார். உடனே மேடைக்கு சென்ற சூர்யா, ராஜமெளலி பேசியதற்கு நன்றி தெரிவித்தார்.
அதையடுத்து ராஜமெளலி கூறுகையில், “மேடையில் பேசும் போது என்னுடன் பணிபுரிய தவறிவிட்டதாக சூர்யா கூறியிருந்தார். அவருடன் பணியாற்றுவதை நான் மிகவும் மிஸ் செய்கிறேன். அவர் மீது எனக்கு மிகுந்த அன்பு உள்ளது. அவரது நடிப்பு எனக்கு மிகவும் பிடிக்கும். நீங்கள் போகிறீர்கள். ஒரு கதையை உருவாக்கியவரை விட கதையின் பின் செல்கிறீர்கள்” என்று ராஜமெளலி சூர்யாவைப் பாராட்டினார்.
இந்த நிகழ்ச்சியில் ராஜமெளலி குறித்து சூர்யாவும் பெருமையாக பேசினார். அவருடன் வேலை செய்யாததைப் பற்றி, “நான் ரயிலைத் தவறவிட்டேன், அதைப் பிடிக்கும் நம்பிக்கையில் இன்னும் ரயில் நிலையத்தில் நிற்கிறேன், நான் வெட்கமின்றி சொல்கிறேன். என்றாவது ஒருநாள் கண்டிப்பாக ரயிலில் ஏறுவேன் என்ற நம்பிக்கை இருக்கிறது” என்றார். இவ்வாறு அவர் தனது உரையில் குறிப்பிட்டுள்ளார்.
